ബംഗളൂരു: ദക്ഷിണാഫ്രിക്ക എക്കെതിരെ ആദ്യ നാല് ദിന ടെസ്റ്റില്‍ ഇന്ത്യ എയ്‌ക്ക് മൂന്നു വിക്കറ്റ് ജയം. 275 റണ്‍സ് വിജയലക്ഷ്യം ഇന്ത്യ ഏഴ് വിക്കറ്റ് നഷ്ടത്തില്‍ മറി കടന്നു. സ്‌കോര്‍: ദക്ഷിണാഫ്രിക്ക എ 309,199 ഇന്ത്യ എ 234, 277/7.
നാലു വിക്കറ്റ് നഷ്ടത്തില്‍ 119 റണ്‍സെന്ന നിലയില്‍ നാലാം ദിനം ക്രീസിലിറങ്ങിയ ഇന്ത്യയ്‌ക്കായി ക്യാപ്റ്റന്‍ റിഷഭ് പന്ത് 90 റണ്‍സുമായി പൊരുതി. പന്ത് പുറത്തായ ശേഷം വാലറ്റക്കാരായ അന്‍ഷുല്‍ കാംബോജ് (37*), മാനവ് സുതാര്‍ (20*) തനുഷ് കൊടിയാന്‍ (23) എന്നിവരുടെ ബാറ്റിംഗ് ഇന്ത്യക്ക് അവിശ്വസനീയ ജയം സമ്മാനിക്കുകയായിരുന്നു.
ആയുഷ് ബദോനി 34 റണ്‍സ് നേടി. ജയത്തോടെ രണ്ട് മത്സര പരമ്പരയില്‍ ഇന്ത്യ എ 1- 0ന് മുന്നിലെത്തി. തനുഷ് കൊടിയാനാണ് കളിയിലെ താരം. പരമ്പരയിലെ രണ്ടാം മത്സരം വ്യാഴാഴ്ച തുടങ്ങും.
