തിരുവനന്തപുരം: പോലീസിന് എന്നും തലവേദനയായിരുന്ന, ‘ജാങ്കോ’ എന്ന പേരിൽ അറിയപ്പെടുന്ന കുപ്രസിദ്ധ ഗുണ്ട അനിൽ കുമാർ പോലീസ് പിടിയിലായി. കൊച്ചുവേളിയിലെ വിനായക നഗർ സ്വദേശിയും നിരവധി ക്രിമിനൽ കേസുകളിൽ പ്രതിയുമായ വിക്രമന്റെ മകൻ, പുതുവൽ പുത്തൻ വീട്ടിൽ അനിൽ കുമാറിനെ പേട്ട പോലീസാണ് അറസ്റ്റ് ചെയ്തത്.
തിരുവനന്തപുരം കടകംപള്ളിയിൽ നിന്ന് വന്ന് കൊച്ചുവേളി വിനായക നഗറിൽ വാടകയ്ക്ക് താമസിക്കുന്ന സുജാബിനെ (46) ആക്രമിച്ച കേസിലാണ് ഇയാളെ അറസ്റ്റ് ചെയ്തത്. അനിൽ കുമാറിന്റെ സഹോദരന്റെ പേരിലുള്ള വാടക വീട്ടിൽ നിന്ന് ഒഴിയാൻ സുജാബ് തയ്യാറാകാത്തതിലുള്ള വൈരാഗ്യമാണ് ആക്രമണത്തിന് കാരണം. ഇന്നലെ വൈകിട്ട് 7.30-ഓടെ വാടക വീട്ടിലെത്തിയ അനിൽ, സുജാബിനെ വെട്ടുകത്തി ഉപയോഗിച്ച് വെട്ടിപ്പരിക്കേൽപ്പിക്കുകയായിരുന്നു.
The post കുപ്രസിദ്ധ ഗുണ്ട ‘ജാങ്കോ’ അനിൽ കുമാർ പിടിയിൽ appeared first on Express Kerala.
