മനാമ: കെഎംസിസി ബഹ്റൈൻ സ്റ്റുഡന്റ്സ് വിങ്ങിന്റെ ആഭിമുഖ്യത്തിൽ സംഘടിപ്പിക്കുന്ന കലോത്സവം -മഹർജാൻ 2K25 നോടനുബന്ധിച്ച് ആശയ ഗീതം പുറത്തിറക്കി. ഒന്നായ ഹൃദയങ്ങൾ ഒരായിരം സൃഷ്ടികൾ എന്ന ശീർഷകം ഉള്ളടക്കമാക്കി നിർമിച്ച ആശയ ഗീതം പ്രവാസികൾക്കിടയിൽ ഐക്ക്യത്തിന്റെ അഹ്വാനം വിളംബരം ചെയ്തു.
ബഹ്റൈൻ കെഎംസിസി പ്രസിഡണ്ട് ഹബീബ് റഹ്മാൻ, ജനറൽ സെക്രട്ടറി ശംസുദ്ധീൻ വെള്ളിക്കുളങ്ങര, മുൻ കാല എം എസ് എഫ് നേതാക്കളായ പി എം സാദിഖലി, സി കെ സുബൈർ, എം എ സമദ്, ടി പി അഷ്‌റഫലി, പി ജി മുഹമ്മദ്, മിസ്അബ് കീഴരിയൂർ, എം പി നവാസ് വയനാട്, പി കെ നവാസ്, സി കെ നജാഫ് തുടങ്ങിയ നേതാക്കൾ അവരുടെ സോഷ്യൽ മീഡിയ പേജുകളിലൂടെയാണ് ആശയ ഗീതം പുറത്തിറക്കിയത്.കെഎംസിസി സ്റ്റുഡന്റ്സ് വിങ് തയ്യാറാക്കിയ ആശയ ഗീതം നിർമ്മിച്ചത് ഈസ്റ്റ് റിഫാ ഏരിയ കമ്മിറ്റിയാണ്.
ബഹ്റൈൻ കെഎംസിസി ഹാളിൽ നടന്ന ലൈവ് ചടങ്ങുകൾ സംസ്ഥാന വൈസ് പ്രസിഡന്റ് റഫീഖ് തോട്ടക്കര ഉദ്ഘാടനം നിർവഹിച്ചു. ചടങ്ങിൽ സംസ്ഥാന ഓർഗനൈസിംഗ് സെക്രട്ടറി ഗഫൂർ കൈപ്പമംഗലം, വൈസ് പ്രസിഡന്റ് അസിസ് റിഫ, സെക്രട്ടറി അശ്റഫ് കാട്ടിൽപീടിക, സ്റ്റുഡന്റ്സ് വിങ് ചെയർമാൻ ഷഹീർ കാട്ടാമ്പള്ളി, കൺവീനർ ശറഫുദ്ധീൻ മാരായമംഗലം, വൈസ് ചെയർമാന്മാരായ മുനീർ ഒഞ്ചിയം, ശിഹാബ് പൊന്നാനി, ജോയിന്റ് കൺവീനർ വി കെ റിയാസ്, വിവിധ ജില്ലാ ഏരിയ മണ്ഡലം നേതാക്കൾ, സ്റ്റുഡന്റ്സ് വിങ് ഭാരവാഹികൾ സംബന്ധിച്ചു.
