പാലക്കാട്: തദ്ദേശ സ്വയംഭരണ തിരഞ്ഞെടുപ്പ് പ്രചാരണത്തിന് ഇറങ്ങുന്നതിനിടെ യുഡിഎഫ് സ്ഥാനാർത്ഥിക്ക് പാമ്പുകടിയേറ്റു. കാവശ്ശേരി ഗ്രാമപഞ്ചായത്ത് ഒന്നാം വാർഡിലെ സ്ഥാനാർത്ഥിയായ അനില അജീഷിനാണ് വിഷപ്പാമ്പിൻ്റെ കടിയേറ്റത്.
നവംബർ 26-ന് രാവിലെ എട്ടുമണിയോടെ പ്രചാരണ പ്രവർത്തനങ്ങൾ ആരംഭിക്കുന്നതിനിടെയാണ് സംഭവം. പാമ്പുകടിയേറ്റ ഉടൻ തന്നെ അനില അജീഷിനെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചു. നിലവിൽ അവർ ചികിത്സയിൽ തുടരുകയാണ്. വിദഗ്ധ ചികിത്സയുടെ ഭാഗമായി അടുത്ത 48 മണിക്കൂർ നിരീക്ഷണത്തിൽ കഴിയാനാണ് ഡോക്ടർമാർ നിർദ്ദേശിച്ചിരിക്കുന്നത്.
The post തെരഞ്ഞെടുപ്പ് പ്രചാരണത്തിനിടെ ദുരന്തം: യുഡിഎഫ് സ്ഥാനാർത്ഥിക്ക് പാമ്പുകടിയേറ്റു appeared first on Express Kerala.
