പ്രേക്ഷകരുടെ എക്കാലത്തെയും പ്രിയ താരമാണ് വിജയ്. വൻ സ്വീകാര്യതയാണ് അദ്ദേഹത്തിന്റെ സിനിമകൾക്ക് ലഭിക്കുന്നത്. അദ്ദേഹത്തിന്റെ റീ റിലീസ് ചെയ്ത ചിത്രങ്ങളും ഇരുകയ്യും നീട്ടിയാണ് മലയാളികൾ ഉൾപ്പെടെയുള്ള പ്രേക്ഷകർ സ്വീകരിച്ചത്. സച്ചിൻ ആണ് വിജയ് യുടേതായി അവ സാനം റീറിലീസ് ചെയ്ത ചിത്രം. സച്ചിൻ എന്ന ചിത്രത്തിലെ ഫോർകെ വെർഷൻ വീഡിയോ ഗാനം ഇപ്പോൾ വീണ്ടും റിലീസ് ചെയ്തിരിക്കുകയാണ്.
ഇന്നും മലയാളികൾ അടക്കമുള്ളവർ ആവർത്തിച്ച് കേൾക്കുന്ന ‘കണ്ണുമൂടി തുറക്കും പോത്..’ എന്ന ഗാനത്തിന്റെ ഫോർകെ വെർഷനാണ് റിലീസ് ചെയ്തിരിക്കുന്നത്. ദേവി ശ്രീ പ്രസാദ് സംഗീതം ഒരുക്കിയ ഗാനം അദ്ദേഹം തന്നെയാണ് ആലപിച്ചിരിക്കുന്നത്. മുത്തുകുമാർ ആണ് വരികൾ എഴുതിയത്.
2005 ഏപ്രില്‍ 14ന് റിലീസ് ചെയ്ത ചിത്രമാണ് സച്ചിൻ. ടൈറ്റിൽ വേഷത്തിൽ ആയിരുന്നു വിജയ് എത്തിയത്. റൊമാന്റിക് കോമഡി വിഭാഗത്തിലെത്തിയ ചിത്രത്തിലെ നായിക ജനീലിയ ആയിരുന്നു. സിനിമയുടെ തിരക്കഥയും സംവിധാനവും ജോണ്‍ നിര്‍വഹിച്ചപ്പോള്‍ ബിപാഷ് ബസു, വടിവേലും, സന്താനം, രഘുവരൻ, തലൈവാസല്‍ വിജയ്, മോഹൻ ശര്‍മ, ബേബി ശര്‍മി തുടങ്ങിയവരും പ്രധാന കഥാപാത്രങ്ങളായി ഉണ്ടായിരുന്നു.
വിജയ് നായകനായി വരാനിരിക്കുന്ന പുതിയ ചിത്രം ജനനായകനാണ്. എച്ച് വിനോദാണ് സംവിധാനം നിര്‍വഹിക്കുന്നത്. ജൂണോടെ ജനനായകന്റെ ചിത്രീകരണം പൂര്‍ത്തിയാകുമെന്നാണ് സിനിമാ അനലിസ്റ്റുകള്‍ സൂചിപ്പിക്കുന്നത്. അനിരുദ്ധ് ആണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ചിത്രത്തിലെ പ്രധാന റോളുകളിൽ ബോബി ഡിയോൾ, പൂജാഹെഡ്ഗെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിതാ തുടങ്ങി വമ്പൻ താരനിരയാണ് ചിത്രത്തിലുള്ളത്. 2026ൽ സിനിമ തിയറ്ററുകളിൽ എത്തും.
The post വിജയ് ചിത്രത്തിലെ വീഡിയോ ഗാനം റിലീസ് ചെയ്ത് അണിയറപ്രവർത്തകർ appeared first on Malayalam Express.
