2025 ഫെബ്രുവരി 26 ന് ആഘോഷിക്കുന്ന മഹാശിവരാത്രി ഹിന്ദുമതത്തിലെ ഏറ്റവും പ്രധാനപ്പെട്ട ഉത്സവങ്ങളിലൊന്നാണ്. കേരളത്തിൽ ഈ ദിവസം പ്രത്യേകിച്ചും ഭക്തർ ശിവ ക്ഷേത്രങ്ങൾ സന്ദർശിക്കുകയും വ്രതം അനുഷ്ഠിക്കുകയും ചെയ്യും. അനുഗ്രഹങ്ങളും ആത്മീയ പ്രബുദ്ധതയും തേടി ആണ് ഭക്തർ ക്ഷേത്രങ്ങളിൽ ഒത്തുകൂടുന്നത്.
മഹാശിവരാത്രിയുടെ പ്രാധാന്യം
“ശിവന്റെ മഹത്തായ രാത്രി” എന്നർത്ഥം വരുന്ന മഹാശിവരാത്രി പ്രാർത്ഥനയ്ക്കും ഉപവാസത്തിനും ആഴമായ ഭക്തിക്കും വേണ്ടി സമർപ്പിച്ചിരിക്കുന്ന ഒരു രാത്രിയാണ്. ഈ ഉത്സവം ആചരിക്കുന്നവർക്ക് അവരുടെ പാപങ്ങൾ ശുദ്ധീകരിക്കാനും അഭിവൃദ്ധി നേടാനും കഴിയുമെന്ന് വിശ്വസിക്കപ്പെടുന്നു. ശിവനെ ആരാധിക്കുന്നതിനായി നിരവധി ഭക്തർ രാത്രി മുഴുവൻ ഉണർന്നിരുന്നു, പ്രാർത്ഥനകളിലും ആചാരങ്ങളിലും ഏർപ്പെടാറുണ്ട്.
കേരളത്തിലെ പ്രധാന ശിവ ക്ഷേത്രങ്ങൾ
ശിവരാത്രി ദിവസം ഭക്തർക്ക് സന്ദർശിക്കാൻ കഴിയുന്ന കേരളത്തിലെ പ്രധാന ശിവ ക്ഷേത്രങ്ങൾ ഏതൊക്കെ ആണെന്ന് നോക്കാം.
വടക്കും നാഥ ക്ഷേത്രം
108 ശിവാലയ സ്‌തോത്രത്തില്‍ ഒന്നാം സ്ഥാനം അലങ്കരിക്കുന്ന മഹാദേവക്ഷേത്രമാണ് തൃശ്ശൂര്‍ വടക്കുംനാഥ ക്ഷേത്രം.
വൈക്കം ശിവക്ഷേത്രം
കോട്ടയം ജില്ലയിലെ വൈക്കം നഗര ഹൃദയത്തിലാണ് ദക്ഷിണ കാശിയെന്നറിയപെ്പടുന്ന മഹാശിവക്ഷേത്രം സ്ഥിതിചെയ്യുന്നത്.
ആലുവാ ശിവക്ഷേത്രം
പരശുരാമന്‍ പ്രതിഷ്ഠ നടത്തിയ 108 ശിവക്ഷേത്രങ്ങളില്‍ ഒന്നാണ് ആലുവാ ശിവക്ഷേത്രം. എറണാകുളം ജില്ലയിലെ ആലുവയില്‍ പെരിയാറിന്റെ തീരത്താണ് ആലുവ ശിവക്ഷേത്രം സ്ഥിതിചെയ്യുന്നത്.
ഓച്ചിറ പരബ്രഹ്മക്ഷേത്രം
ദക്ഷിണകാശി എന്നറിയപ്പെടുന്ന ഈ ക്ഷേത്രത്തിന്റെ പ്രത്യേകത ഇവിടെ ശ്രീകോവിലോ പ്രതിഷ്ഠയോ പൂജയോ ഇല്ല എന്നുള്ളതാണ്. കിഴക്കേ ഗോപുരകവാടം മുതല്‍ ഇരുപത്തിരണ്ടേക്കര്‍ സ്ഥലത്ത് രണ്ട് ആല്‍ത്തറയും ഏതാനും ചില കാവുകളും അടങ്ങുന്നതാണ് ഇവിടുത്തെ ക്ഷേത്രസങ്കല്‍പം.
തിരുവൈരാണിക്കുളം മഹാദേവക്ഷേത്രം
എറണാക്കുളം ജില്ലയിലെ ആലുവാ താലുക്കിലാണ് തിരുവൈരാണിക്കുളം മഹാദേവക്ഷേത്രം സ്ഥിതി ചെയ്യുന്നത്. മഹാദേവനാണിവിടെ പ്രധാന മൂര്‍ത്തി. സദാശിവനെ കിഴക്ക് ഭാഗത്തേക്കും ശ്രീപാര്‍വതിയെ പടിഞ്ഞാറു ഭാഗത്തേക്കും ദര്‍ശനമായി പ്രതിഷ്ഠിച്ചിരിക്കുന്നു.
ശ്രീകണ്‌ഠേശ്വരം മഹാദേവക്ഷേത്രം
തിരുവനന്തപുരം നഗരത്തില്‍ സ്ഥിതിചെയ്യുന്ന അതിപുരാതന ക്ഷേത്രമാണ് പഴയ ശ്രീകണ്‌ഠേശ്വരം മഹാദേവക്ഷേത്രം.
തിരുവിഴ മഹാദേവ ക്ഷേത്രം
ഭഗവാൻ ശിവൻ പാലാഴി പാലാഴിമഥനത്തിനിടയിൽ ഉയർന്നു വന്ന കാളകൂട വിഷം കഴിച്ച സങ്കല്പത്തിൽ സ്വയംഭൂ പ്രതിഷ്ഠയായി കിഴക്ക് ദർശനമായി ഇവിടെ വാഴുന്നു
തിരുമാന്ധാംകുന്ന് ക്ഷേത്രം
പരശുരാമന്‍ സ്ഥാപിച്ചു എന്നു വിശ്വസിക്കപെ്പടുന്ന 108 ശിവക്ഷേത്രങ്ങളില്‍ ഒന്നാണിത്. കേരളത്തിലെ മലപ്പുറം ജില്ലയിലെ അങ്ങാടിപ്പുറം എന്ന ചെറിയ ഗ്രാമത്തിലെ ഒരു ക്ഷേത്രമാണ് തിരുമാന്ധാംകുന്ന് ക്ഷേത്രം.
തളി ശിവക്ഷേത്രം
പുരാതന കേരളത്തിലെ 108 ശിവക്ഷേത്രങ്ങളില്‍ പറയുന്ന നാലു തളിക്ഷേത്രങ്ങളില്‍ ഒരു തളിയാണ് ഈ ക്ഷേത്രം. കോഴിക്കോട് നഗരത്തിലാണ് തളി ശിവക്ഷേത്രം സ്ഥിതി ചെയ്യുന്നത്
തിരുനക്കര മഹാദേവക്ഷേത്രം
കോട്ടയം ജില്ലയിലെ തിരുനക്കരയില്‍ കോട്ടയം നഗര ഹൃദയത്തില്‍ സ്ഥിതിചെയ്യുന്ന അതിപുരാതന ശിവക്ഷേത്രമാണ് തിരുനക്കര മഹാദേവക്ഷേത്രം. നൂറ്റെട്ട് ശിവാലയങ്ങളിലെ ആദ്യ ക്ഷേത്രമായ തൃശ്ശിവപേരൂര്‍ വടക്കുന്നാഥന്‍ തന്നെയാണ് ഇവിടെയും കുടികൊള്ളുന്നത് എന്നാണ് ഐതിഹ്യം.
ആഴിമല ശിവക്ഷേത്രം
തിരുവനന്തപുരം ജില്ലയിലെ പുളിങ്കുടിയിൽ സ്ഥിതി ചെയ്യുന്ന ക്ഷേത്രമാണിത്. 58 അടി ഉയരമുള്ള ഗംഗാധരേശ്വര രൂപത്തിലുള്ള കേരളത്തിലെ ഏറ്റവും ഉയരം കൂടിയ ശിവ പ്രതിമ ഈ ക്ഷേത്രത്തിലെ പ്രധാന ആകർഷണമാണ്.
