കൊച്ചി : കൊച്ചി ഇടപ്പള്ളിയിൽ നടുറോഡിൽ തമ്മിലടിച്ച് സ്വകാര്യ ബസ് ജീവനക്കാർ. കമ്പിവടിയടക്കം ഉള്ള ആയുധങ്ങൾ ഉപയോഗിച്ചാണ് ജീവനക്കാർ ആക്രമണം നടത്തിയത്. പുളിക്കൽ, കിസ്മത്ത് എന്നീ ബസുകളിലെ ജീവനക്കാർ തമ്മിലാണ് സംഘർഷമുണ്ടായത്. സംഘർഷത്തിനിടെ പറവൂരിൽ നിന്ന് വന്ന ബസ് അടിച്ചു തകർത്തതിന്റെ ദൃശ്യങ്ങൾ സമൂഹമാധ്യമങ്ങളിൽ ഉൾപ്പെടെ വ്യാപകമായി പ്രചരിക്കുന്നുണ്ട്. സംഭവത്തിൽ കേസെടുക്കുമെന്ന് എളമക്കര പോലീസ് അറിയിച്ചു.
നഗരത്തിലെ തിരക്കേറിയ റോഡിലായിരുന്നു സംഘർഷം. സ്വകാര്യ ബസുകളുടെ മത്സരയോട്ടം കൊച്ചിയിലെ പതിവ് കാഴ്ച്ചയാണ്. സമയം തെറ്റിയോടുന്നതും, ആളുകളെ നിർദിഷ്ട സ്റ്റോപ്പിൽ ഇറക്കാതെയിരിക്കുന്നതുമെല്ലാം ബസ് ജീവനക്കാർ തമ്മിലുള്ള മത്സരത്തിന് കാരണമാണ്. അത്തരത്തിലൊന്നാണ് ഈ സംഘർഷത്തിലേക്ക് നയിച്ചതെന്നാണ് സൂചന.
The post നഗരത്തിൽ ഗുണ്ടാവിളയാട്ടമോ? നടുറോഡിൽ ആയുധങ്ങളുമായി ഏറ്റുമുട്ടി ബസ് ജീവനക്കാർ appeared first on Express Kerala.
