വിദ്യാർഥി സ്കൂളിൽ തൂങ്ങിമരിച്ച സംഭവത്തിൽ അന്വേഷണം പ്രഖ്യാപിച്ച് പൊതു വിദ്യാഭ്യാസ വകുപ്പ്, വീട്ടുകാരുടെ ആരോപണം തെറ്റ്, സീൽ എടുത്തപ്പോൾ തടഞ്ഞു, ഏതാണെന്ന് അറിയില്ലെന്നു പറഞ്ഞപ്പോൾ വഴക്കുണ്ടാക്കി- ക്ലർക്ക്

തിരുവനന്തപുരം: തിരുവനന്തപുരം കാട്ടാക്കടയിൽ പ്ലസ് വൺ വിദ്യാർഥിയെ സ്‌കൂളിനുള്ളിൽ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ അന്വേഷണം പ്രഖ്യാപിച്ച് പൊതുവിദ്യാഭ്യാസ വകുപ്പ്. മന്ത്രി വി. ശിവൻകുട്ടിയുടെ നിർദേശപ്രകാരം വൊക്കേഷണൽ ഹയർ സെക്കൻഡറി വിഭാഗം ഡെപ്യൂട്ടി ഡയറക്ടർ (കരിക്കുലം) ഉബൈദിനാണ് അന്വേഷണച്ചുമതല. അതേസമയം വീട്ടുകാരുടെ ആരോപണം തെറ്റാണെന്ന് ആരോപണ വിധേയനായ ക്ലർക്ക് പറഞ്ഞു. ഇന്നലെ പ്രിൻസിപ്പലിന്റെ മേശപ്പുറത്തിരുന്ന സീൽ വിദ്യാർഥി എടുക്കാൻ ശ്രമിച്ചപ്പോൾ താൻ തടഞ്ഞെന്നും സീൽ ഏതാണെന്ന് അറിയില്ലെന്ന് പറഞ്ഞപ്പോൾ വഴക്കുണ്ടാക്കിയെന്നും ക്ലർക്ക് വെളിപ്പടുത്തി. എന്തിനാണ് സീലുകൾ എടുക്കുന്നതെന്ന് […]