ഏറ്റവും സമ്പന്നരിൽ ഒന്നാമതുള്ള നായിക ആര് എന്ന് ആലോചിച്ചാല്‍ മനസ്സില്‍ തെളിയുന്ന മുഖങ്ങള്‍ ഐശ്വര്യ റായ്‍യോ ദീപിക പദുക്കോണൊ അല്ലെങ്കിൽ ആലിയ ഭട്ടോ ആയിരിക്കും. ഒരുപക്ഷെ തെന്നിന്ത്യക്കാര്‍ നയൻതാരയുടെ പേര് പറഞ്ഞേക്കും. എന്നാല്‍ ഇവരാരും അല്ല, ആസ്‍തിയില്‍ ഒന്നാമതുള്ള നായികാ താരം ഇന്ത്യയില്‍ ജൂഹി ചൌള ആണ്.
ഇപ്പോൾ ജൂഹി ചൌള സിനിമയില്‍ സജീവമല്ല. എന്നാല്‍ ഐപിഎല്‍ ടീം ഉടമസ്ഥാ കമ്പനിയിലെ പങ്കാളിത്തം ചലച്ചിത്ര നിര്‍മാണ കമ്പനിയുടെ സഹ ഉടമ തുടങ്ങിയ നിലകളില്‍ ഇന്നും വലിയ വരുമാനമാണ് ജൂഹി ചൗളയ്ക്ക് ലഭിക്കുന്നത്. നടി ജൂഹി ചൗള ബോളിവുഡ് താരങ്ങളില്‍ സമ്പത്തിന്റെ കാര്യത്തില്‍ ഷാരൂഖിന്റെ പിന്നില്‍ രണ്ടാം സ്ഥാനത്തുമാണ്. ജൂഹി ചൗളയ്ക്ക് 4600 കോടി രൂപയുടെ ആസ്‍തിയാണ് ഉള്ളത്.
സമ്പന്നരിൽ രണ്ടാം സ്ഥാനത്ത് ഐശ്വര്യ റായ് ആണ്. ഐശ്വര്യയുടെ ആസ്തി 860 കോടിയാണ്. സിനിമയില്‍ നിലവില്‍ സജീവമല്ലെങ്കിലും പ്രതിഫലത്തിന്റെ കാര്യത്തില്‍ മുൻനിരയിലുള്ള ഐശ്വര്യക്ക് നിരവധി പരസ്യ ബ്രാൻഡുകളില്‍ നിന്നും വരുമാനം ലഭിക്കുന്നുണ്ട്. മൂന്നാം സ്ഥാനത്ത് പ്രിയങ്ക ചോപ്രയാണ്. പ്രിയങ്ക ചോപ്രയുടെ ആസ്തി 650 കോടി രൂപയാണ്. ബോളിവുഡിലെ നായികമാരില്‍ ഇന്ന് മുന്നിലുള്ള താരമായായ ആലിയ ഭട്ടാണ് നാലാം സ്ഥാനത്ത്. ആലിയ ഭട്ടിന് 500 കോടിയാണ് ആകെ ആസ്തി. ദീപിക പദുക്കോണിന്റെ ആസ്തി 500 കോടി ആണ്.
The post ഐശ്വര്യ റായ്‍യോ ദീപികയോ അല്ല; ഏറ്റവും സമ്പന്നയായ നടി ആരാണെന്നറിയണോ appeared first on Malayalam Express.
