ഒരു വർഷത്തെ കാത്തിരിപ്പ് അവസാനിപ്പിച്ചുകൊണ്ട് ഓണം വന്നെത്തിയിരിക്കുകയാണ്. ഈ വർഷത്തെ ഓണം ആഘോഷങ്ങൾ ഓഗസ്റ്റ് 26 ചൊവ്വാഴ്ച ആണ് തുടങ്ങിയത്. സെപ്തംബർ 5 നാണ് തിരുവോണം. ഓണം എന്ന് കേൾക്കുമ്പോൾ ആദ്യം ഓർമ്മ വരുന്നത് ഓണപ്പൂക്കളവും ഓണത്തപ്പനുമൊക്കെയാണ്. ഓണത്തപ്പനെ സ്വാഗതം ചെയ്യാനാണ് പൂക്കളമൊരുക്കുന്നതെന്ന് മലയാളികൾ വിശ്വസിക്കുന്നു. ഓണത്തപ്പനെ അവർ കളിമണ്ണിൽ കുഴച്ച് വീട്ടിലെ ഓണപൂക്കളത്തിനടുത്ത് വയ്ക്കുന്നു. ഇതാണ് ഓണത്തപ്പനാണ് എന്ന് വിശ്വസിക്കപ്പെടുന്നു. ഓണത്തപ്പനെക്കുറിച്ചും പേരിനെക്കുറിച്ചും നിരവധി ഐതിഹ്യങ്ങളുണ്ട്.
ഓണത്തപ്പന്റെ മറ്റൊരു പേര് തൃക്കാക്കരയപ്പൻ എന്നാണ്. ചിലർ വിശ്വസിക്കുന്നത് ഈ തൃക്കാക്കരയപ്പൻ ആണ് വാമനൻ പാതാളത്തിലേക്ക് ചവിട്ടി വീഴ്ത്തിയ മാവേലി എന്നാണ്. എന്നിരുന്നാലും, മറ്റു ചിലർ പറയുന്നത് മാവേലിയെ പാതാളത്തിലേക്ക് ചവിട്ടി വീഴ്ത്തിയ വാമനൻ ആണ് തൃക്കാക്കരയപ്പൻ എന്നാണ്. ഇതൊന്നുമല്ലെന്ന് മറ്റൊരു കൂട്ടർ പറയുന്നു. തൃക്കാക്കര ക്ഷേത്രത്തിൽ ഉത്സവത്തിന് പോകാൻ കഴിയാത്തവർ വീടുകളിൽ തൃക്കാക്കരയപ്പനെ പ്രതിഷ്ഠിച്ച് ആഘോഷങ്ങൾ നടത്തണമെന്ന് കേരള ചക്രവർത്തി പെരുമാൾ ഉത്തരവിട്ടതിനെ തുടർന്നാണ് ഈ ആചാരം നിലവിൽ വന്നതെന്ന് മറ്റൊരു ഐതിഹ്യം.
മഹാബലിയെ തൃക്കാക്കരയപ്പനുമായി ബന്ധപ്പെടുത്തുന്നവരുണ്ട്. മുത്തശ്ശി, കുട്ടിപ്പട്ടർ, അമ്മി, ആറ്റുകല്ല് തുടങ്ങിയവയോടൊപ്പം മഹാബലിയെ പ്രതിഷ്ഠിക്കുന്നു. തിരുവോണ നാളിലാണ് മഹാബലിയെ പ്രതിഷ്ഠിക്കുന്നത്. ഉത്രാട ദിനത്തിൽ വീടിന്റെ പിൻമുറ്റത്ത് തൃക്കാക്കരയപ്പനെ പ്രതിഷ്ഠിക്കുന്നു.
കളിമണ്ണ് കൊണ്ടാണ് സാധാരണയായി തൃക്കാക്കരയപ്പൻ നിർമ്മിക്കുന്നത്. കളിമണ്ണ് കുഴച്ച് നിറം നൽകാൻ ഇഷ്ടിക പൊടി ചേർത്താണ് തൃക്കാക്കരയപ്പൻ നിർമ്മിക്കുന്നത്. 5 തൃക്കാക്കരയപ്പന്മാരെ ആണ് സാധാരണയായി സ്ഥാപിക്കാറുള്ളത്. ഉത്രാട ദിനത്തിൽ നാക്കിലയിൽ വേണഎം ഓണത്തപ്പനെ കുടിയിരുന്തേണ്ടത് എന്ന് വിവിശ്വസിക്കുന്നു. നടുവിൽ ഒരു വലിയ ഓണത്തപ്പനും ഇരുവശത്തും രണ്ട് ചെറിയ ഓണത്തപ്പനകളും സ്ഥാപിക്കുന്നു.
കൂടാതെ, ഓണത്തപ്പന് അരിപ്പൊടി കൊണ്ട് ഒരു കൃഷ്ണ കിരീടം ഒരുക്കും. തുടർന്ന് തുമ്പ, ചെമ്പരത്തി, ചെണ്ടുമല്ലി എന്നിവ കൊണ്ട് അലങ്കരിക്കും.
ശർക്കര, പഴം, തേങ്ങ എന്നിവ ചേർത്തുണ്ടാക്കിയ മധുരപലഹാരം തൃക്കാക്കരയപ്പന് നിവേദിക്കാൻ ഇഷ്ടപ്പെട്ടവ ആണെന്ന് വിശ്വസിക്കപ്പെടുന്നു. ചിലപ്പോൾ, ശർക്കര ചേർക്കാതെ മധുരപലഹാരത്തിൽ പഞ്ചസാര ചേർത്ത അടയും നിവേദിക്കാറുണ്ട്. ഒന്നാം ഓണം മുതൽ അഞ്ചാം ഓണം വരെ ഓണത്തപ്പനെ പൂജിക്കുന്നു. എല്ലാ ദിവസവും രാവിലെയും വൈകുന്നേരവും ആണ് പൂജ നടത്തേണ്ടത്.
