ലഖ്നൗ: സയ്യിദ് മുഷ്താഖ് അലി ട്വന്റി 20 ടൂര്ണ്ണമെന്റില് ഛത്തീസ്ഗഢിനെതിരെ കേരളത്തിന് തകര്പ്പന് വിജയം. എട്ട് വിക്കറ്റിനായിരുന്നു കേരളം ഛത്തീസ്ഗഢിനെ തോല്പ്പിച്ചത്. ആദ്യം ബാറ്റ് ചെയ്ത ഛത്തീസ്ഗഢ് 19.5 ഓവറില് 120 റണ്സിന് ഓള് ഔട്ടായി. മറുപടി ബാറ്റിങ്ങിന് ഇറങ്ങിയ കേരളം 10.4 ഓവറില് രണ്ട് വിക്കറ്റ് നഷ്ട്ടത്തില് ലക്ഷ്യത്തിലെത്തി(121). കേരളത്തിന് വേണ്ടി മൂന്ന് വിക്കറ്റ് വീഴ്ത്തിയ കെ.എം. ആസിഫ് കളിയിലെ താരമായി.
ചത്തീസ്ഗഢ് കേരളത്തിന് മുന്നില് വച്ചത് തീരെ മോശമല്ലാത്ത വിജയലക്ഷ്യമായിരുന്നു. പക്ഷെ ക്യാപ്റ്റന് സഞ്ജു വി. സാംസണും രോഹന് കുന്നുമ്മലും ചേര്ന്ന ഓപ്പണിങ് കൂട്ടുകെട്ട് വെടിക്കെട്ട് പ്രകടനത്തിലൂടെ വിജയം ഉറപ്പ് വരുത്തിയാണ് പിരിഞ്ഞത്. ഒന്നാം വിക്കറ്റില് ഇരുവരും ചേര്ന്ന് 26 പന്തില് 73 റണ്സ് അടിച്ചുകൂട്ടി. 15 പന്തുകളില് രണ്ട് ഫോറും അഞ്ച് സിക്സുമടക്കം 43 റണ്സ് നേടിയാണ് സഞ്ജു മടങ്ങിയത്. രോഹന് 17 പന്തുകളില് മൂന്ന് ഫോറും രണ്ട് സിക്സുമടക്കം 33 റണ്സെടുത്തു. തുടര്ന്നെത്തിയ സല്മാന് നിസാറും(16) വിഷ്ണു വിനോദും(22) ചേര്ന്ന് 11-ആം ഓവറില് തന്നെ കേരളത്തെ വിജയത്തിലെത്തിച്ചു.
നേരത്തെ ടോസ് നേടിയ സഞ്ജു എതിരാളികളെക്കൊണ്ട് ബാറ്റ് ചെയ്യിപ്പിച്ചു. ഷറഫുദ്ദീന് എറിഞ്ഞ ആദ്യ പന്തില് തന്നെ വിക്കറ്റ് നേട്ടം. ആയുഷ് പാണ്ടെ ആണ് മടങ്ങിയത്. രണ്ടാം വിക്കറ്റില് ക്യാപ്റ്റന് അമന്ദീപ് ഖാരെയും ശശാങ്ക് ചന്ദ്രാകറും ചേര്ന്ന് മുന്നോട്ട് നയിച്ചു. ഇരുവരും ചേര്ന്ന് 45 റണ്സെടുക്കുമ്പോഴേക്കും കെ.എം. ആസിഫ് പണി തുടങ്ങി. രണ്ടാം വിക്കറ്റ് കൂട്ടുകെട്ട് പൊളിച്ചു. നിലയുറപ്പിച്ച ശശാങ്ക് ചന്ദ്രാകറിനെ റിട്ടേണ് ക്യാച്ചിലൂടെ പുറത്താക്കിയ ആസിഫ് തൊട്ടടുത്ത പന്തില് വെടിക്കെട്ട് ബാറ്റര് ശശാങ്ക് സിങ്ങിനെ വിക്കറ്റിന് മുന്നില് കുരുക്കി.
പിന്നീട് ഒത്തുചേര്ന്ന അമന്ദീപ് ഖാരെയും സഞ്ജീത് ദേശായിയും ചേര്ന്ന് 51 റണ്സ് കൂട്ടിച്ചേര്ത്തു. 14-ാം ഓവറില് അങ്കിത് ശര്മയുടെ പന്തിലാണ് ഈ കൂട്ടുകെട്ട് പൊളിഞ്ഞത്. ഇതോടെ ക്ഷീണത്തിലായ ചത്തീസ്ഗഢ് വളരെ വേഗം ബാക്കി വിക്കറ്റുകള് കൂടി നഷ്ടപ്പെടുത്തി.
സയ്യിദ് മുഷ്താഖ് അലി ട്രോഫിയില് ഭാരത്തിന്റെ രണ്ടാം വിജയമാണിത്. ആദ്യ മത്സരത്തില് പരാജയപ്പെടുകയും രണ്ടാം മത്സരത്തില് തോല്ക്കുകയുംചെയ്തിരുന്നു.
