ഉയരത്തില് തുടരുകയാണ് സ്വര്ണവില (Gold Rate). പക്ഷേ വിവാഹമടക്കം ചടങ്ങുകളുള്ള കുടുംബങ്ങളെ സംബന്ധിച്ച് അത് ഏതുവിധേനയും കൈയ്യെത്തിപ്പിടിച്ചേ മതിയാകൂ. കാരണം, സ്വര്ണം കേവലം ആഭരണം എന്ന കള്ളിക്കുള്ളില് മാത്രം ഒതുങ്ങുന്നതല്ല.
അത് കുടുംബങ്ങളെ സംബന്ധിച്ച് പാരമ്പര്യത്തിന്റെയും സമൃദ്ധിയുടെയും നിക്ഷേപത്തിന്റെയുമെല്ലാം പ്രതീകമാണ്. അതിനാല്, വാങ്ങാന് പുറപ്പെടും മുന്പ് വില സംബന്ധിച്ച് കൃത്യമായ ധാരണയുണ്ടായിരിക്കേണ്ടത് അനിവാര്യമാണ്.
പശ്ചിമേഷ്യന് സംഘര്ഷങ്ങളെ തുടര്ന്ന് സ്വര്ണവില(Gold Price) കുതിച്ചുയര്ന്നിരുന്നു. ഏറ്റക്കുറച്ചിലുകള്ക്കൊടുക്കം ഇപ്പോള് 1,12,000 രൂപയിലേറെയാണ് ഒരു പവന് സ്വര്ണത്തിന്റെ വില. സ്വര്ണം വാങ്ങുന്നവരെ സംബന്ധിച്ചിടത്തോളം പ്രാദേശിക നിരക്കുകള് പ്രധാനവുമാണ്.
ഒരു ഗ്രാമിന് ഉണ്ടാകുന്ന 100-200 രൂപയുടെ മാറ്റം പോലും ഒരു കുടുംബം എപ്പോള് സ്വര്ണം വാങ്ങണം എന്ന് തീരുമാനിക്കുന്നതില് നിര്ണായകമാകും.
സ്വര്ണം (Gold) വാങ്ങുമ്പോള് ശ്രദ്ധിക്കാം
- വിവിധ കാരറ്റുകളുടെ ഒരു ഗ്രാം സ്വര്ണത്തിന്റെ വില ഓണ്ലൈനില് പരിശോധിക്കുന്നതോടൊപ്പം തന്നെ ജ്വല്ലറികളിലും അന്വേഷിച്ച് നിരക്കുകള് താരതമ്യം ചെയ്യണം.
- പണിക്കൂലിയെക്കുറിച്ച് ധാരണയുണ്ടായിരിക്കണം. കടകള്ക്ക് അനുസരിച്ച് ഓരോ ഡിസൈനുകള്ക്കും മാറ്റം വരും. ചെലവ് കുറയ്ക്കണമെങ്കില് ലളിതമായ ഡിസൈനുകള് തിരഞ്ഞെടുക്കുക.
- സ്വര്ണത്തിന്റെ പരിശുദ്ധി ഉറപ്പാക്കാന് ബിഐഎസ് ഹോള്മാര്ക്ക് ഉള്ള സ്വര്ണം മാത്രം വാങ്ങുക. കൂടാതെ 3% ജിഎസ്ടി കൂടി കണക്കാക്കേണ്ടതുണ്ട്.
- വില ഇടിയുമ്പോഴും സീസണ് അല്ലാതിരിക്കുമ്പോഴും സ്വര്ണം വാങ്ങുന്നത്, താരതമ്യേന കുറഞ്ഞ നിരക്കില് ലഭിക്കാന് സഹായിക്കും.
- പ്രധാന ജ്വല്ലറി ശൃംഖലകള് സാധാരണയായി നല്കാറുള്ള കിഴിവുകളെക്കുറിച്ചും മറ്റ് ഓഫറുകളെക്കുറിച്ചും ചോദിച്ച് മനസ്സിലാക്കിയ ശേഷം ആഭരങ്ങള് തിരഞ്ഞെടുക്കുന്നത് ഏറെ ഗുണകരമാണ്.
- തീരുമാനിച്ച് അന്നുതന്നെ സ്വര്ണം വാങ്ങുന്നതിന് പകരം കുറച്ചുദിവസം വില നിരീക്ഷിക്കുകയും ട്രെന്ഡ് എന്താണെന്ന് തിരിച്ചറിയുകയും വേണം. തുടര്ന്ന് ഏറ്റവും കുറവുള്ള ദിവസം നോക്കി വാങ്ങുക.
ജ്വല്ലറി ഉടമ പറയുന്നത് ഇങ്ങനെ
‘കേരളീയര് ജ്വല്ലറിയില് പോകുന്നതിന് മുമ്പ് ഒരു ഗ്രാം സ്വര്ണത്തിന്റെ (1 Gram Gold) വില പരിശോധിക്കും. ഉത്തരേന്ത്യന് വിപണികളില് ആളുകള് ഫെസ്റ്റിവല് സീസണിനായി കാത്തിരിക്കുന്നതുപോലെയല്ല ഇവിടെ കാര്യങ്ങള്.
മലയാളികള് സ്വര്ണത്തെ അണിയാനുള്ളത് മാത്രമായല്ല, ദീര്ഘകാല സാമ്പത്തിക നിക്ഷേപവുമായാണ് കാണുന്നത്’ – അദ്ദേഹം പറഞ്ഞു.
ഉപയോക്താക്കളുടെ നിലപാട് ഇങ്ങനെ
‘സ്വര്ണം വാങ്ങുന്ന കാര്യത്തെക്കുറിച്ച് ചിന്തിക്കുമ്പോള് തന്നെ ഞങ്ങള് ഗ്രാം വില ഓണ്ലൈനിലോ ജ്വല്ലറികളില് തന്നെയോ അന്വേഷിക്കും, എന്നാണോ ഇടിവ് കാണിക്കുന്നത് അന്ന് സ്വര്ണം വാങ്ങാന് തീരുമാനിക്കും’ – നിഷ മേനോന് എന്ന ഉപയോക്താവ് പറഞ്ഞു.
സ്വര്ണം = നിക്ഷേപം, സമ്മാനം
കേരളത്തില് വിവാഹ സീസണ്, വിഷു പോലുള്ള ആഘോഷ അവസരങ്ങള് എന്നീ സമയങ്ങളില് മാത്രമല്ല സ്വര്ണത്തിന് ആവശ്യക്കാര് ഏറുന്നത്, നിക്ഷേപം എന്ന നിലയിലും സംസ്ഥാനത്ത് സ്വര്ണത്തിന് വലിയ ഡിമാന്ഡാണ്.
സ്വര്ണം സമ്മാനമായി നല്കുന്നതും വ്യാപകമാണ്. വിവാഹം, ജന്മദിനാഘോഷം, നൂലുകെട്ട്, ചോറൂണ് തുടങ്ങിയ വേളകളിലും മറ്റും ആളുകള് സ്വര്ണം സമ്മാനമായി നല്കുന്നതിന് വലിയ പ്രചാരമുണ്ട്, അതിനാല് തന്നെ സ്വര്ണം ഉപയോഗിക്കുന്നവരുടെ എണ്ണത്തില് രാജ്യത്ത് കേരളം മുന്പന്തിയിലുമാണ്.
വിദഗ്ധാഭിപ്രായം ഇങ്ങനെ
സ്വര്ണം വാങ്ങുന്നതിന് മുമ്പ് വിശ്വസനീയമായ ജ്വല്ലറികളിലോ ഓണ്ലൈന് പ്ലാറ്റ്ഫോമുകളിലോ ഒരു ഗ്രാം സ്വര്ണത്തിന്റെ വില പരിശോധിക്കാനും അത് വിലയിരുത്തി തീരുമാനമെടുക്കാനും ധനകാര്യ വിദഗ്ധര് നിര്ദേശിക്കുന്നു.
സ്വര്ണ വിലക്കൊപ്പം (Gold Pavan Rate) പണിക്കൂലി, ഹോള്മാര്ക്കിങ്, ജിഎസ്ടി എന്നിവ കൂടി ചേരുമെന്നത് ഓര്ക്കണമെന്നും അവര് ഉപദേശിക്കുന്നു. ഈ അധിക ചാര്ജുകള് മൊത്തം വിലയെ കാര്യമായി ബാധിക്കും. കൂടാതെ കടകള് തോറും ഇത് വ്യത്യാസപ്പെടുകയും ചെയ്യും.
Also Read: Gold Pavan Rate Today: സ്വര്ണവിലയില് ഇന്ന് ഇടിവ്, തുടര്ച്ചയുണ്ടാകുമോ ?
ആഗോള ട്രെന്ഡുകള് എപ്പോഴും ആഭ്യന്തര സ്വര്ണ വിലയെ സ്വാധീനിക്കും. അതിനാല് സ്വര്ണത്തില് നിക്ഷേപം നടത്താനും, ആഭരണങ്ങള് സമ്മാനമായി നല്കാനും, വരാനിരിക്കുന്ന ആഘോഷങ്ങള് ആസൂത്രണം ചെയ്യാനും വിവരങ്ങളെ അടിസ്ഥാനപ്പെടുത്തി തീരുമാനമെടുക്കണമെന്നും സാമ്പത്തിക വിദഗ്ധര് വ്യക്തമാക്കുന്നു.
വിപണി സാഹചര്യങ്ങള്ക്ക് അനുസരിച്ച് സ്വര്ണവില അനുദിനം മാറിമറിയും. ഒരു ദിവസം തന്നെ രണ്ടുവട്ടമൊക്കെ നിരക്ക് മാറാനുള്ള സാധ്യതയുമുണ്ട്.
