വശ്യമനോഹര കാഴ്ചകളുടെ കേദാരഭൂമിയാണ് കൂര്ഗ്. കുടകിലെ പച്ചപുതച്ച മലനിരകളും പാല്നുരയൊഴുകുന്ന വെള്ളച്ചാട്ടങ്ങളും അത്യാകര്ഷകങ്ങളാണ്. ആത്മീയാനുഭവത്തിന്റെ വേറിട്ട തലം സമ്മാനിക്കും ഗോള്ഡന് ടെമ്പിള് യാത്ര. ആനപരിപാലനത്തിന്റെ പലതലങ്ങള് തുറന്നുകാട്ടും ദുബാരെ എലിഫന്റ് ക്യാമ്പ്. കൂര്ഗിന്റെ ചരിത്രത്തിലേക്ക് എത്തിനോക്കാന് മടിക്കേരി കോട്ടയും സന്ദര്ശിക്കാം.
