ലോകമെമ്പാടുമുള്ള ആളുകളെ നേരിട്ടും അല്ലാതെയും ബാധിക്കുന്ന വലിയ വിപത്തുകളിൽ ഒന്നാണ് ലഹരി ഉപയോഗം. ലഹരിക്കെതിരായ ദുരുപയോഗത്തിനെതിരെ അവബോധം വളർത്തുന്നതിനും നടപടിയെടുക്കാൻ ആളുകളെ സജ്ജമാക്കുന്നതിനുമായി ജൂൺ 26 അന്താരാഷ്ട്ര മയക്കുമരുന്ന് ദുരുപയോഗത്തിനും നിയമവിരുദ്ധ കടത്തിനും എതിരായ ദിനമായി ഐക്യരാഷ്ട്രസഭ ആചരിക്കുന്നു.
ലഹരി വിരുദ്ധ ദിന ആഘോഷങ്ങളുടെ ഭാഗമായി സ്‌കൂളുകളിലും കോളേജുകളിലും പ്രസംഗ മത്സരങ്ങൾ സംഘടിപ്പിക്കാറുണ്ട്. അത്തരം ഒരു മത്സരത്തിൽ പങ്കെടുക്കാൻ നിങ്ങൾ ആഗ്രഹിക്കുന്നുവെങ്കിൽ ഈ ആശയങ്ങൾ കൂടി ഉൾപ്പെടുത്തിക്കോളൂ.
ലഹരി വിരുദ്ധ ദിന പ്രസംഗം
പ്രിയപ്പെട്ടവരേ,
ഇന്ന് അന്താരാഷ്ട്ര ലഹരി വിരുദ്ധ ദിനം. സമൂഹത്തെ നശിപ്പിക്കുന്ന, ജീവിതങ്ങൾ ഇല്ലാതെയാക്കുന്ന ഒരു സാമൂഹിക വിപത്താണ് ലഹരി ഉപയോഗം. കുട്ടികളായാലും പ്രായമായവരായാലും യുവാക്കളായാലും ലഹരി ഉപയോഗങ്ങളുടെ ഫലങ്ങളിൽ നിന്ന് ആരും മുക്തരാകുന്നില്ല. ഇന്ത്യ മാത്രമല്ല, ലോകം മുഴുവൻ മയക്കുമരുന്ന് ആസക്തിയുടെ ദൂഷ്യഫലങ്ങൾ അനുഭവിക്കുകയാണ്. യുവതലമുറ അതിന്റെ ഇരകളായി മാറുകയും അവരുടെ ഭാവി നശിപ്പിക്കുകയും ചെയ്യുന്നു.
ലഹരിയുടെ ദുരുപയോഗത്തിനും മലഹരി കടത്തിനും എതിരായ പോരാട്ടത്തിൽ അവബോധം വളർത്തുക എന്ന ലക്ഷ്യത്തോടെ, ഐക്യരാഷ്ട്രസഭയുടെ പൊതുസഭ 1987 ഡിസംബർ 7 ന് എല്ലാ വർഷവും ജൂൺ 26 ന് ദേശീയ ലഹരി വിരുദ്ധ ദിനം ആചരിക്കാൻ തീരുമാനിച്ചു.
ഐക്യരാഷ്ട്രസഭ 1987 ഡിസംബറിൽ ആണ് ഈ ദിനം അംഗീകരിച്ചത്. ചൈനയിലെ കറുപ്പ് വ്യാപാരത്തെ ചെറുക്കാൻ നടത്തിയ ശ്രമങ്ങളെയും ഇത് അനുസ്മരിക്കുന്നു. ചൈനയിലെ ഒന്നാം കറുപ്പ് യുദ്ധത്തിന് മുൻപ്, അവിടെ വ്യാപകമായിരുന്ന കറുപ്പ് വ്യാപാരത്തെ ചെറുക്കാൻ ലിൻ സെക്സു ധീരമായ ശ്രമങ്ങൾ നടത്തിയിരുന്നു. ഇതിന്റെ ഓർമ്മപ്പെടുത്തലായാണ് ലോക ലഹരിവിരുദ്ധ ദിനം ആചരിക്കുന്നത്. ശാരീരിക, മാനസിക, സാമൂഹിക പ്രശ്നങ്ങൾ ഉൾപ്പെടെയുള്ള മയക്കുമരുന്ന് ദുരുപയോഗത്തിന്റെ വിനാശകരമായ അനന്തരഫലങ്ങളെക്കുറിച്ച് അവബോധം വളർത്തുക എന്നതാണ് ഈ ദിവസത്തെ ലക്ഷ്യം.
എല്ലാ പ്രായത്തിലുമുള്ള ആളുകളെ ലഹരിയിൽ നിന്നും മോചിപ്പിക്കുവാൻ ലക്ഷ്യം വച്ചുകൊണ്ടുള്ള വിവിധ പ്രവർത്തനങ്ങൾ ആസൂത്രണം ചെയ്തുകൊണ്ടാണ് ലോകം മുഴുവൻ ഈ ദിവസം ആചരിക്കുന്നത്. ലോകമെമ്പാടും ഈ ദിവസം ലഹരി ദുരുപയോഗത്തിനെതിരെ ബോധവൽക്കരണ കാമ്പെയ്‌നുകൾ നടത്തുന്നു.
ഇതിലൂടെ ലഹരി ദുരുപയോഗം മൂലമുണ്ടാകുന്ന ദോഷങ്ങളെക്കുറിച്ച് ജനങ്ങളെ ബോധവൽക്കരിക്കുന്നു. ലഹരി ദുരുപയോഗവും നിയമവിരുദ്ധ മയക്കുമരുന്ന് കടത്തും തടയുന്നതിന് ഇന്ത്യയിലും കർശനമായ നിയമങ്ങളുണ്ട്. എന്നിരുന്നാലും, ആളുകൾ അവബോധം പുലർത്തേണ്ടത് അത്യാവശ്യമാണ്. പരസ്പര സഹകരണമില്ലാതെ ഇത് ഒരിക്കലും സാധ്യമല്ല. ഇതിനായി, അന്താരാഷ്ട്ര ലഹരി വിരുദ്ധ ദിനത്തിൽ, ലഹരി ദുരുപയോഗത്തിലും നിയമവിരുദ്ധ പ്രവർത്തനങ്ങളിലും ഏർപ്പെട്ടിരിക്കുന്ന ആളുകളെ സത്യത്തിന്റെ പാതയിലേക്ക് കൊണ്ടുവരാൻ നമ്മൾ ഓരോരുത്തരും മുൻകൈയെടുക്കണം.
അതിനായി കൈ കോർത്ത് നമുക്കും പ്രവർത്തിക്കാം. ലഹരിയോട് നോ പറയാം. സേ നോ ടു ഡ്രഗ്സ്.
ജയ് ഹിന്ദ്
