തെളിവുണ്ടെങ്കിൽ എനിക്ക് വോട്ട് ചെയ്യേണ്ട!! പരാതി ഉന്നയിച്ചത് ആണാണോ പെണ്ണാണോ എന്നുപോലും അറിയില്ല, ഏത് വാഹനത്തിലാണ് കയറ്റിക്കൊണ്ടുപോയത്? ഏത് ഹോംസ്റ്റേയിൽ ആണ് കൊണ്ടിറക്കിയത്? വ്യക്തമാക്കണം, പരാതിയിൽ പറഞ്ഞിട്ടുള്ളത് പച്ചക്കള്ളമാണ്. പിന്നിൽ കൃത്യമായ ഗൂഢാലോചന, പരാതി ഡിജിപിക്ക് മെയിൽ ചെയ്ത് നൽകി, – ഫെന്നി നൈനാൻ

തിരുവനന്തപുരം: രാഹുൽ മാങ്കൂട്ടത്തിൽ എംഎൽഎയ്ക്കെതിരായ പുതിയ ബലാത്സംഗ പരാതി നിഷേധിച്ച് അടൂർ നഗരസഭാ എട്ടാം വാർഡ് യുഡിഎഫ് സ്ഥാനാർഥി ഫെന്നി നൈനാൻ. ഇപ്പോൾ പുറത്തുവന്ന ആരോപണം തീർത്തും അടിസ്ഥാനരഹിതമാണ്. പരാതി നൽകിയിരിക്കുന്നത് ആണാണോ പെണ്ണാണോ എന്നുപോലും തനിക്ക് അറിയില്ല, തെളിവുണ്ടെങ്കിൽ തനിക്കു വോട്ടുചെയ്യേണ്ടെന്ന് അഭ്യർഥിക്കുന്നെന്നും ഫെനി നൈനാൻ മാധ്യമങ്ങളോട് പറഞ്ഞു. ഫെന്നി നൈനാനൊപ്പമാണ് രാഹുൽ മാങ്കൂട്ടത്തിൽ തന്നെ കാണാൻ എത്തിയത് എന്നായിരുന്നു കഴിഞ്ഞ ദിവസം ആരോപണം ഉന്നയിച്ചു പെൺകുട്ടി നൽകിയ പരാതിയിൽ പറഞ്ഞിരുന്നത്. തന്നെ കാറിൽ കൊണ്ടുപോയെന്നും […]