തിരഞ്ഞെടുപ്പ് തോൽവിക്ക് പിന്നാലെ ഭരണത്തുടർച്ച നഷ്ടപ്പെട്ട സാഹചര്യത്തിൽ ഇടതുപക്ഷത്ത് കടുത്ത ആത്മപരിശോധനയ്ക്ക് തുടക്കമാകുന്നു. മുന്നണിക്കുണ്ടായ വൻ പരാജയത്തെക്കുറിച്ചും തുടർനടപടികളെക്കുറിച്ചും ചർച്ച ചെയ്യാൻ ഇരു പാർട്ടികളും ഇന്ന് പ്രത്യേക യോഗങ്ങൾ വിളിച്ചുചേർത്തിട്ടുണ്ട്. തോൽവിക്ക് കാരണമായ ഘടകങ്ങൾ വിശദമായി ചർച്ച ചെയ്യും.
ഭരണവിരുദ്ധ വികാരവും മുഖ്യമന്ത്രിക്ക് നേരെയുണ്ടായ വിമർശനങ്ങളും യോഗത്തിൽ ഗൗരവകരമായി വന്നേക്കാം. ദേശീയ ജനറൽ സെക്രട്ടറി എം.എ. ബേബി യോഗത്തിൽ സംബന്ധിക്കും. നിയമസഭയിൽ പ്രതിപക്ഷത്തെ ആര് നയിക്കണമെന്ന കാര്യത്തിലും ഇന്നത്തെ യോഗത്തിൽ ധാരണയുണ്ടാകും. രാവിലെ സെക്രട്ടേറിയറ്റും ഉച്ചയ്ക്ക് എക്സിക്യൂട്ടീവും ചേരും. തിരഞ്ഞെടുപ്പ് തോൽവിയുടെ പശ്ചാത്തലത്തിൽ പാർട്ടി സംസ്ഥാന നേതൃത്വത്തിനെതിരെ വിമർശനങ്ങൾ ഉയരാൻ സാധ്യതയുണ്ട്. തിരഞ്ഞെടുപ്പ് ഫലം പുറത്തുവന്നതിന് പിന്നാലെ മുഖ്യമന്ത്രി സ്ഥാനം രാജിവച്ച പിണറായി വിജയൻ ഇന്ന് ഔദ്യോഗിക വസതിയായ ക്ലിഫ് ഹൗസ് ഒഴിയും. തുടർന്ന് അദ്ദേഹം എ.കെ.ജി സെന്ററിന് സമീപമുള്ള സി.പി.ഐ.എം പി.ബി അംഗങ്ങൾക്കായുള്ള ഫ്ലാറ്റിലേക്ക് താമസം മാറും.
The post തിരഞ്ഞെടുപ്പ് തിരിച്ചടി; സി.പി.ഐ.എം, സി.പി.ഐ നിർണ്ണായക യോഗങ്ങൾ ഇന്ന് appeared first on Express Kerala.
