മുംബൈ: ഇന്ത്യൻ പ്രീമിയർ ലീഗിൽ ഫൈനലില്‍ റോയല്‍ ചലഞ്ചേഴ്സ് ബെംഗളൂരുവിനോട് ആറ് റണ്‍സിന് തോറ്റതിന് പിന്നാലെ ശ്രേയസ് അയ്യര്‍ക്ക് വീണ്ടുമൊരു ഫൈനല്‍ തോല്‍വി. ഇത്തവണ മുംബൈ ടി20 ലീഗ് കിരീടപ്പോരാട്ടത്തിലാണ് ശ്രേയസ് അയ്യരുടെ ടീമായ മുംബൈ ഫാല്‍ക്കണ്‍സ് മുംബൈ സൗത്ത് സെന്‍ട്രൽ മറാത്ത റോയല്‍സിനോട് പരാജയപ്പെട്ടത്.
മുംബൈ ടി20 ലീഗ് ഫൈനലില്‍ ആദ്യം ബാറ്റ് ചെയ്ത ഫാല്‍ക്കൺസ് 20 ഓവറില്‍ നാലു വിക്കറ്റ് നഷ്ടത്തില്‍ 157 റണ്‍സടിച്ചപ്പോള്‍ സിദ്ദേശ് ലാഡ് നയിച്ച മറാത്ത റോയല്‍സ് 19.2 ഓവറില്‍ അഞ്ച് വിക്കറ്റ് നഷ്ടത്തില്‍ ലക്ഷ്യത്തിലെത്തി. ഫാല്‍ക്കൺസ് ഉയര്‍ത്തിയ 157 റണ്‍സ് വിജയലക്ഷ്യത്തിലേക്ക് ബാറ്റുവീശിയ റോയല്‍സിനായി ചിന്‍മയ് രാജേഷ് സുതാര്‍(49 പന്തില്‍ 53), അവൈസ് ഖാന്‍ നൗഷാദ് (24 പന്തില്‍ 38), ഷാഹില്‍ ഭഗവന്ത ജാദവ്(12 പന്തില്‍ 22) എന്നിവര്‍ ബാറ്റിംഗില്‍ തിളങ്ങി.
Also Read: MLCയിൽ സാൻ ഫ്രാൻസിസ്കോയ്ക്ക് ചരിത്രവിജയം
മറാത്ത റോയല്‍സിനായി കാര്‍ത്തിക് മിശ്രയും യാഷ് ഡിച്ചോല്‍ക്കറും രണ്ട് വിക്കറ്റ് വീതം വീഴ്ത്തി. നേരത്തെ ടോസ് നേടി ആദ്യം ബാറ്റ് ചെയ്ത ഫാല്‍ക്കണ്‍സിന് 20 ഓവറില്‍ നാലു വിക്കറ്റ് നഷ്ടത്തില്‍ 157 റണ്‍സെ നേടാനായുള്ളു. ഓപ്പണര്‍ അംഗ്രിഷ് രഘുവംശി(7) നിരാശപ്പെടുത്തിയപ്പോള്‍ മൂന്നാം നമ്പറില്‍ ബാറ്റിംഗിനിറങ്ങിയ ക്യാപ്റ്റൻ ശ്രേയസ് അയ്യര്‍ക്കും(17 പന്തില്‍ 12) കാര്യമായി ഒന്നും ചെയ്യാനായില്ല. ഒമ്പതാം ഓവറില്‍ 54-3 എന്ന സ്കോറില്‍ പതറിയ ഫാല്‍ക്കണ്‍സിനെ അഞ്ചാം വിക്കറ്റില്‍ മയൂരേഷ് ടാന്‍ഡലും(32 പന്തില്‍ 50), ഹര്‍ഷ് അഗവും(28 പന്തില്‍ 45)ചേര്‍ന്നാണ് ഭേദപ്പെട്ട സ്കോറിലെത്തിച്ചത്.
The post മുംബൈ ടി20 ലീഗ്; ശ്രേയസ് അയ്യര്‍ക്ക് വീണ്ടുമൊരു ഫൈനല്‍ തോല്‍വി appeared first on Express Kerala.
