ആസ്വദിക്കൂ… ഫ്രാൻസിലെ ഫ്ലോ​ട്ടി​ങ്​ ഐ​ല​ൻ​ഡ്​

ഫ്രാൻസിൽ വളരെ പ്രചാരത്തിലുള്ള ഡെസർട്ട് ആണ് ഫ്ലോ​ട്ടി​ങ്​ ഐ​ല​ൻ​ഡ്​ (Floating Island അല്ലെങ്കിൽ Iles Flottantes). വ​ള​രെ സാ​ധാ​ര​ണ​മാ​യി എ​ല്ലാ അ​ടു​ക്ക​ള​ക​ളി​ലും കാ​ണ​പ്പെ​ടു​ന്ന കു​റ​ച്ച് സാ​ധ​ന​ങ്ങ​ൾ​ കൊ​ണ്ട്​ രു​ചി​ക​ര​വും വി​ശി​ഷ്​​ട​വു​മാ​യ ഈ പ​ല​ഹാ​രം തയാറാക്കാവുന്നതാണ്.

ഇംഗ്ലീഷ് പാചക എഴുത്തുകാരിയായ ഹന്ന ഗ്ലാസ് എഴുതിയ ദി ആർട്ട് ഓഫ് കുക്കറി മെയ്ഡ് പ്ലെയിൻ ആൻഡ് ഈസി (1747) എന്ന ബുക്കിലാണ് ഫ്ലോ​ട്ടി​ങ്​ ഐ​ല​ൻ​ഡിനെ കുറിച്ച് വിവരിക്കുന്നത്. ര​സ്മ​ലാ​യി​യു​ടെ ഒ​രു നോ​ൺ വെ​ജ് വെ​ർ​ഷ​ൻ ആ​​ണെന്ന് പ​റ​യാം.

ചേരുവകൾ

• മു​ട്ട- 6 (ആ​റ്​ മു​ട്ട​യു​ടെ മ​ഞ്ഞ​യും മൂ​ന്ന്​ മു​ട്ട​യു​ടെ വെ​ള്ള​യും മാ​ത്ര​മേ ആ​വ​ശ്യ​മു​ള്ളൂ)
• പാ​ൽ- 2 ക​പ്പ് (500 ml)
• പ​ഞ്ച​സാ​ര- 2/3 ക​പ്പ്​ ( 1/3 +1/3)
• വാ​നി​ല എ​സ​ൻ​സ്​- 1 ടേബിൾ സ്​പൂൺ
• കോ​ൺ​ഫ്ല​വ​ർ- 1 ടീ സ്​പൂൺ
• ക​രാ​മ​ൽ
• വെ​ള്ളം- 2 ടേബിൾ സ്​പൂൺ
• നാ​ര​ങ്ങ​നീ​ര്- 5ml (1 ടീസ്​പൂൺ)
• പ​ഞ്ച​സാ​ര- 1/3 ക​പ്പ്​

തയാറാക്കേണ്ടവിധം

1. ര​ണ്ട്​ ക​പ്പ് പാ​ൽ ഒ​രു പ​ര​ന്ന പാ​ത്ര​ത്തി​ൽ അ​ടു​പ്പി​ൽ ​വെക്കു​ക. ഒ​രു ടേ​ബ്​​ൾസ്​​പൂ​ൺ വാ​നി​ല എ​സൻ​സ് ചേ​ർ​ക്കു​ക. ചെ​റി​യ തീ​യി​ൽ ചൂ​ടാ​ക്കു​ക.

2. മി​റാ​ങ് (പ​ഞ്ച​സാ​ര​യും മു​ട്ട​യും പ​ത​ച്ച് ഉ​ണ്ടാ​ക്കു​ന്ന കൂ​ട്ട്)

ഉ​ണ്ടാ​ക്കു​ന്ന വി​ധം:

മൂ​ന്ന്​ മു​ട്ട​യു​ടെ വെ​ള്ള ഒ​ട്ടും ന​ന​വി​ല്ലാ​ത്ത ഒ​രു ബൗ​ളി​ൽ ഇ​ട്ട് ന​ന്നാ​യി എ​ഗ്​ ബീ​റ്റ​ർ കൊ​ണ്ട്​ പ​ത​പ്പി​ക്കു​ക. അ​ൽ​പാ​ൽ​പ​മാ​യി 1/3 ക​പ്പ് പ​ഞ്ച​സാ​ര ചേ​ർ​ക്കു​ക. ന​ന്നാ​യി പ​ത​ഞ്ഞു​പൊ​ങ്ങ​ണം. ഒ​രു സ്പൂ​ണി​ൽ ഈ ​പ​ത കോ​രി ത​ല​തി​രി​ച്ചു പി​ടി​ച്ചാ​ൽ ഇ​ത് താ​ഴെ വീ​ഴ​രു​ത് -ഇ​താ​ണ് പാ​കം. ഇ​തി​നോ​ടൊ​പ്പം ഒ​രു ടീ​സ്​​പൂ​ൺ കോ​ൺ​ഫ്ല​വ​റും ചേ​ർ​ത്ത് മി​ക്സ് ചെ​യ്യു​ക.

അ​ടു​പ്പി​ൽവെച്ച പാ​ൽ ന​ന്നാ​യി ചൂ​ടാ​യി​ട്ടു​ണ്ടാ​വും, എ​ന്നാ​ൽ തി​ള​ക്കാ​ൻ പാ​ടി​ല്ല. ഒ​രു ഐ​സ്ക്രീം സ്​​കൂ​പ്പ​ർ കൊ​ണ്ട്​ ഓ​രോ സ്പൂ​ൺ നി​റ​യെ കോ​രി പാ​ലി​ലേ​ക്ക് പ​തു​ക്കെ ഇ​ടു​ക. ഏ​ക​ദേ​ശം ര​ണ്ട​ര-​മൂ​ന്ന്​ മി​നി​റ്റ്​ ക​ഴി​യു​മ്പോ​ൾ വ​ള​രെ സൂ​ക്ഷി​ച്ച് പൊ​ട്ടി​പ്പോ​കാ​തെ തി​രി​ച്ചി​ട​ണം. മ​റ്റേ​വ​ശ​വും 2.5-3 മി​നി​റ്റ് വേ​വി​ക്കു​ക അ​തി​നു ശേ​ഷം ഇ​വ​യെ പാ​ലി​ൽനി​ന്ന് മാ​റ്റി ഒ​രു പാ​ത്ര​ത്തി​ൽ ത​ണു​ക്കാ​ൻ വെ​ക്ക​ണം.

3. ആ​റ്​ മ​ഞ്ഞ​ക്ക​രു 1/3 ക​പ്പ്​ പ​ഞ്ച​സാ​ര ചേ​ർ​ത്ത് ഒ​രു ബീ​റ്റ​ർ കൊ​ണ്ട്​ അ​ടി​ക്കു​ക. അ​തി​നു​ശേ​ഷം മി​റാ​ങ്​ ഉ​ണ്ടാ​ക്കി​യശേ​ഷം ബാ​ക്കി​യാ​യ പാ​ൽ അ​രി​ച്ചെ​ടു​ക്കു​ക. ര​ണ്ടു ക​പ്പ് ഉ​ണ്ടാ​യി​രി​ക്ക​ണം (കു​റ​വു​ണ്ടെ​ങ്കി​ൽ കു​റ​ച്ച് പാ​ൽ കൂ​ടി ചേ​ർ​ത്ത് ര​ണ്ട് ക​പ്പ് ആ​ക്ക​ണം).

ത​ണു​ത്തശേ​ഷം മ​ഞ്ഞ​ക്ക​രു മി​ശ്രി​തം ഇ​തി​ൽ ചേ​ർ​ത്ത് ന​ന്നാ​യി മി​ക്സ് ചെ​യ്തെ​ടു​ക്കു​ക. ഈ ​മി​ശ്രി​തം ഒ​രു അ​രി​പ്പ​യി​ൽ അ​രി​ച്ചെ​ടു​ക്കു​ക. അ​തി​നുശേ​ഷം ഒ​രു സോ​സ്​ പാ​ൻ മീ​ഡി​യം തീ​യി​ൽ അ​ടു​പ്പി​ൽ വെ​ക്കു​ക.

ഇ​തി​ലേ​ക്ക് മേ​ൽപ​റ​ഞ്ഞ മി​ശ്രി​തം ഒ​ഴി​ച്ച് ചെ​റി​യ തീ​യി​ൽ കൈ ​എ​ടു​ക്കാ​തെ ഇ​ള​ക്കിക്കൊ​ണ്ടി​രി​ക്കു​ക, അ​ടി​യി​ൽ പി​ടി​ക്കാ​തി​രി​ക്കാ​ൻ വേ​ണ്ടി​യാ​ണി​ത്. അ​ൽ​പ​സ​മ​യം ക​ഴി​യു​മ്പോ​ൾ തി​ള​ക്കു​ന്ന​തി​ന് മു​മ്പു​ത​ന്നെ ഇ​ത് കു​റു​കി​യ​താ​യി കാ​ണാം. ഇ​താ​ണ് പാ​കം. ഇ​ത് തി​ള​ക്കാ​ൻ പാ​ടി​ല്ല എ​ന്ന കാ​ര്യം ശ്ര​ദ്ധി​ക്ക​ണം.

4. കാ​രാ​മ​ൽ ഉ​ണ്ടാ​ക്കാ​നാ​യി ര​ണ്ട്​ ടേ​ബ്​​ൾ സ്​​പൂ​ൺ വെ​ള്ളം ഒ​രു ചു​വ​ട് ക​ട്ടി​യു​ള്ള പാ​ത്ര​ത്തി​ൽ എ​ടു​ക്കു​ക. ഇ​തി​ൽ ഒ​രു ടീ​സ്​​പൂ​ൺ നാ​ര​ങ്ങ​നീ​ര് ചേ​ർ​ക്കു​ക. ഇ​തി​ൽ1/3 ക​പ്പ് പ​ഞ്ച​സാ​ര ചേ​ർ​ത്ത് ചു​ടാ​ക്കു​ക. നേ​രി​യ ബ്രൗ​ൺ നി​റ​മാ​കു​ന്ന​തുവ​രെ ചൂ​ടാ​ക്കു​ക. പ​ഞ്ച​സാ​ര കാ​രാ​മ​ലൈ​സ് ആ​യി ഒ​രു നൂ​ൽ പാ​ക​ത്തി​ൽ ആ​കു​മ്പോ​ൾ തീ ​കെ​ടു​ത്താം.

സെ​ർ​വ്​ ചെ​യ്യു​ന്ന രീ​തി:

ഒ​രു കോ​ക്ടെ​യി​ൽ ഗ്ലാ​സോ/ ഡ​സ​ർ​ട്ട് ബൗ​ളോ എ​ടു​ക്കു​ക. ഏ​ക​ദേ​ശം 50 ml ക​സ്​​റ്റേ​ർ​ഡ്​ ബൗ​ളി​ൽ ഒ​ഴി​ക്കു​ക. അ​തി​ലേ​ക്ക് ഒ​ന്നോ ര​ണ്ടോ ക​ഷ​ണം മി​റാ​ങ്​ പ​തു​ക്കെ ഇ​റ​ക്കി​വെക്ക​ണം. അ​തി​നു മു​ക​ളി​ൽ ഉ​ണ്ടാ​ക്കി​യ ക​രാ​മ​ൽ നൂ​ൽ​വ​ണ്ണ​ത്തി​ൽ ചു​റ്റി​യൊ​ഴി​ച്ച് അ​ല​ങ്ക​രി​ക്കു​ക (​ചി​ത്ര​ത്തി​ൽ കാ​ണു​ന്ന​തു​പോ​ലെ). റോ​സ്​​റ്റ് ചെ​യ്ത ആ​ൽമ​ണ്ട്​ ഫ്ലേ​ക്സ് കൊണ്ട്​ അ​ല​ങ്ക​രി​ക്കാ​വു​ന്ന​താ​ണ്.