തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിനുള്ള വോട്ടര്പ്പട്ടികയില് ഇന്ന് മുതല് പേര് ചേർക്കാൻ സാധിക്കും. പട്ടിക എല്ലാ തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്റെ sec.kerala.gov.in വെബ് സൈറ്റിലും പരിശോധനയ്ക്ക് ലഭിക്കും.
അതേസമയം വോട്ടര്പ്പട്ടികയിൽ ഒക്ടോബര് 14 വരെ പേര് ചേര്ക്കാം. 2025 ജനുവരി ഒന്നിനോ അതിന് മുമ്പോ 18 വയസ് പൂര്ത്തിയായവര്ക്കാണ് ഇപ്പോൾ പേര് ചേർക്കാൻ അവസരമുള്ളത്. വിവരങ്ങള് തിരുത്താനും വാര്ഡ് മാറ്റാനും പേര് ഒഴിവാക്കാനും അപേക്ഷ സമര്പ്പിക്കാം.
Also Read: കുറുനരി ആക്രമണം: നാദാപുരത്ത് വാർഡ് മെമ്പർക്കും കോളേജ് വിദ്യാര്ത്ഥിക്കും കടിയേറ്റു
അപേക്ഷകള് സംസ്ഥാന തെരഞ്ഞെടുപ്പ് കമീഷന്റെ വെബ് സൈറ്റില് ഓണ്ലൈനായി സമര്പ്പിക്കണം. ആവശ്യമായ രേഖകള് സഹിതം ഹിയറിങ്ങിന് നേരിട്ട് ഹാജരാക്കുകയും ചെയ്യണം. രണ്ടിന് പുതുക്കി പ്രസിദ്ധീകരിച്ച പട്ടികയാണ് ഇപ്പോള് കരടായി പ്രസിദ്ധീകരിക്കുന്നത്.
The post തദ്ദേശ തെരഞ്ഞെടുപ്പിനുള്ള വോട്ടര്പ്പട്ടികയില് ഇന്ന് മുതല് പേര് ചേര്ക്കാം appeared first on Express Kerala.
