അഹമ്മദാബാദ്: എയര്‍ ഇന്ത്യ വിമാനാപകടത്തില്‍ കൊല്ലപ്പെട്ടവരുടെ മൃതദേഹം തിരിച്ചറിയാന്‍ കുടംബാംഗങ്ങളോട് സാമ്പിളുകള്‍ നല്‍കണമെന്ന് അഭ്യര്‍ത്ഥിച്ച് ഗുജറാത്ത് ആരോഗ്യ-കുടുംബക്ഷേമ വകുപ്പ്. അഹമ്മദാബാദ് സിവില്‍ ആശുപത്രിയിലെ വിദ്യാര്‍ത്ഥികളുടെ ഹോസ്റ്റല്‍, സ്റ്റാഫ് ക്വാര്‍ട്ടേഴ്‌സ്, മറ്റ് റെസിഡന്‍ഷ്യല്‍ ഏരിയകള്‍ എന്നിവ വിമാനം തകര്‍ന്ന പ്രദേശത്താണ് സ്ഥിതി ചെയ്യുന്നതെന്നും പ്രദേശത്തെ താമസക്കാര്‍ക്കുള്‍പ്പടെ പരിക്കേറ്റിട്ടുണ്ടെന്നും ഗുജറാത്ത് ആരോഗ്യ-കുടുംബക്ഷേമ വകുപ്പ് അഡീഷണല്‍ ചീഫ് സെക്രട്ടറി ധനഞ്ജയ് ദ്വിവേദി അറയിച്ചു.
പരിക്കേറ്റ 50 ഓളം പേരെ അഹമ്മദാബാദിലെ സിവില്‍ ആശുപത്രിയില്‍ എത്തിച്ചിട്ടുണ്ട്. അവര്‍ക്ക് മികച്ച ചികിത്സ നല്‍കുന്നുണ്ട്. ബി ജെ മെഡിക്കല്‍ കോളേജില്‍ ഡിഎന്‍എ പരിശോധനയ്ക്കുള്ള ക്രമീകരണങ്ങള്‍ ചെയ്തിട്ടുണ്ടെന്നും വിമാന യാത്രക്കാരുടെ അടുത്ത ബന്ധുകളോ കുടുംബാംഗങ്ങളോ അവരുടെ സാമ്പിളുകള്‍ സമര്‍പ്പിക്കണമെന്നും ആരോഗ്യ-കുടുംബക്ഷേമ വകുപ്പ് അഭ്യര്‍ത്ഥിച്ചു. കൊല്ലപ്പെട്ടവരെ തിരിച്ചറിയാനാണ് സാമ്പിളുകള്‍ ശേഖരിക്കുന്നത്. യാത്രക്കാരുടെ ബന്ധുക്കള്‍ക്കോ സിവില്‍ ആശുപത്രിയില്‍ എത്തിച്ച മറ്റ് പരിക്കേറ്റവരുമായ ബന്ധപ്പെട്ട വിവരങ്ങള്‍ക്കായോ വേണ്ടി സിവില്‍ ആശുപത്രി അഹമ്മദാബാദിന്റെ ചുവടെ നല്‍കിയ ഹെല്‍പ്പ് ലൈന്‍ നമ്പറുകളിലേക്ക് വിളിക്കാം. ഹെല്‍പ്പ്‌ലൈന്‍ നമ്പറുകള്‍ – 6357373831, 6357373841.
The post മൃതദേഹം തിരിച്ചറിയാന്‍ ബന്ധുകളുടെ സാമ്പിളുകള്‍ അഭ്യര്‍ത്ഥിച്ച് ഗുജറാത്ത് ആരോഗ്യ-കുടുംബക്ഷേമ വകുപ്പ് appeared first on Express Kerala.
