‘മകൾ ആത്മഹത്യ ചെയ്യില്ല, കൊന്നതാണ്…ആദ്യം കുട്ടികൾ ഉണ്ടാകാത്തതിന്റെ പേരിൽ ദ്രോഹിച്ചിരുന്നു’- അമ്മ!! 25 കാരി ഭർതൃവീട്ടിൽ മരിച്ച നിലയിൽ!! അസ്വാഭാവികത തോന്നി പോലീസിൽ വിവരം അറിയിച്ചത് ആശുപത്രി അധികൃതർ, ഭർത്താവ് കസ്റ്റഡിയിൽ

പാലക്കാട്: യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തിയ സംഭവത്തിൽ ദുരൂഹത ആരോപിച്ച് ബന്ധുക്കൾ രം​ഗത്ത്. പാലക്കാട് വടക്കഞ്ചേരി കാരപ്പറ്റ കുന്നുംപള്ളി നേഖ സുബ്രഹ്മണ്യനെ(25)യാണ് ആലത്തൂർ തോണിപ്പാടത്തെ ഭർതൃവീട്ടിൽ മരിച്ച നിലയിൽ കണ്ടെത്തിയത്. നേഖയെ ആശുപത്രിയിലെത്തിച്ചപ്പോൾ മരണത്തിൽ അസ്വാഭാവികത തോന്നി ആശുപത്രി അധികൃതർ പോലീസിൽ വിവരം അറിയിക്കുകയായിരുന്നു. പിന്നാലെ ഭർത്താവിനെതിരെ ആരോപണവുമായി ബന്ധുക്കളും രംഗത്തെത്തി. തന്റെ നേഖയെ മുമ്പും ഭർത്താവ് ഉപദ്രവിച്ചിരുന്നുവെന്ന് അമ്മ പറഞ്ഞു. മകൾ ആത്മഹത്യ ചെയ്യില്ലെന്നും മകളെ കൊന്നതാണെന്നും നേഖയുടെ അമ്മ ജയന്തി മാധ്യമങ്ങോടു പറഞ്ഞു. […]