മലപ്പുറം: കടലിൽ നിന്ന് മത്സ്യബന്ധനത്തിനിടെ നാഗവിഗ്രഹങ്ങൾ കണ്ടെത്തി. താനൂർ ഉണ്ണ്യാൽ അഴീക്കൽ കടലിൽ നിന്നാണ് രണ്ട് നാഗവിഗ്രഹങ്ങൾ കണ്ടെത്തിയത്. പുതിയ കടപ്പുറം സ്വദേശിയായ റസലിന്റെ വലയിലാണ് ഏകദേശം അഞ്ച് കിലോയിലധികം ഭാരമുള്ള പിച്ചളയിൽ നിർമ്മിച്ച വിഗ്രഹങ്ങൾ കുടുങ്ങിയത്.
വിഗ്രഹങ്ങൾ ഉടൻ തന്നെ റസൽ താനൂർ പോലീസ് സ്റ്റേഷനിൽ കൈമാറി. ഇത് ഏതെങ്കിലും ക്ഷേത്രത്തിൽ നിന്ന് മോഷണം പോയതാണോ എന്ന് പോലീസ് അന്വേഷിക്കുന്നുണ്ട്. സംഭവത്തെക്കുറിച്ച് കൂടുതൽ വിവരങ്ങൾ ശേഖരിച്ചുവരികയാണെന്ന് പോലീസ് അറിയിച്ചു.
The post മീനിന് പകരം നാഗവിഗ്രഹങ്ങൾ; മലപ്പുറത്ത് വലയിൽ കുടുങ്ങിയത് 5 കിലോ തൂക്കമുള്ള നിധി! appeared first on Express Kerala.
