ഇന്ത്യൻ വാഹന വിപണിയിൽ ഏഴ് സീറ്റർ കാറുകൾക്ക് പ്രിയമേറുന്ന സാഹചര്യത്തിൽ, 2025 കലണ്ടർ വർഷത്തിലും ആധിപത്യം തുടർന്ന് മാരുതി സുസുക്കി എർട്ടിഗ. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറുകളുടെ പട്ടികയിൽ അഞ്ചാം സ്ഥാനത്തുള്ള എർട്ടിഗ, കഴിഞ്ഞ വർഷം മാത്രം 1.92 ലക്ഷം പുതിയ ഉപഭോക്താക്കളെയാണ് സ്വന്തമാക്കിയത്.
എഞ്ചിനും പ്രകടനവും: മൈൽഡ് ഹൈബ്രിഡ് സാങ്കേതികവിദ്യയുള്ള 1.5 ലിറ്റർ ഡ്യുവൽജെറ്റ് പെട്രോൾ എഞ്ചിനാണ് എർട്ടിഗയുടെ കരുത്ത്. ഇത് 103 bhp കരുത്തും 136.8 Nm ടോർക്കും ഉത്പാദിപ്പിക്കുന്നു. മികച്ച ഇന്ധനക്ഷമതയാണ് എർട്ടിഗയെ കുടുംബങ്ങളുടെ പ്രിയപ്പെട്ട വാഹനമാക്കി മാറ്റുന്നത്.
- പെട്രോൾ മാനുവൽ: 20.51 kmpl
- പെട്രോൾ ഓട്ടോമാറ്റിക്: 20.3 kmpl
- സിഎൻജി വേരിയന്റ്: 26.1 km/kg
ഫീച്ചറുകളും സുരക്ഷയും: യാത്ര സുഖകരമാക്കാൻ ആന്ഡ്രോയിഡ് ഓട്ടോ, ആപ്പിള് കാര്പ്ലേ എന്നിവ പിന്തുണയ്ക്കുന്ന 7 ഇഞ്ച് സ്മാര്ട്ട്പ്ലേ ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ക്രൂയിസ് കണ്ട്രോള്, ഓട്ടോ എസി തുടങ്ങിയ ആധുനിക സവിശേഷതകൾ വാഹനത്തിലുണ്ട്. സുരക്ഷയ്ക്കായി ഡ്യുവല് എയര്ബാഗുകള്, എബിഎസ് (ABS), ബ്രേക്ക് അസിസ്റ്റ്, റിയര് പാര്ക്കിംഗ് സെന്സറുകള് എന്നിവയും മാരുതി ഉറപ്പാക്കിയിട്ടുണ്ട്.
വില: വിവിധ വേരിയന്റുകൾക്ക് 8.80 ലക്ഷം രൂപ മുതൽ 13.03 ലക്ഷം രൂപ വരെയാണ് നിലവിലെ എക്സ്-ഷോറൂം വില.
The post ഫാമിലി കാറുകളുടെ രാജാവായി എർട്ടിഗ; 2025-ൽ സ്വന്തമാക്കിയത് രണ്ട് ലക്ഷത്തോളം ഉപഭോക്താക്കളെ appeared first on Express Kerala.
