മലപ്പുറം: മലപ്പുറത്ത് നിർമാണതൊഴിലാളിക്കുനേരെ തെരുവുനായയുടെ കൂര ആക്രമണം. ആനൊഴുക്കുപാലത്തെ നിർമാണതൊഴിലാളിയായ സുരേഷിനേയാണ് നായ കടിച്ചുകീറിയത്. കഴിഞ്ഞ ബുധനാഴ്ച ഒരു പെൺകുട്ടിയെ രക്ഷിക്കാൻ ശ്രമിക്കുന്നതിനിടെയാണ് ഇയാൾക്ക് കടിയേൽക്കുന്നത്. മദ്രസ കഴിഞ്ഞ് മടങ്ങുന്നതിനിടെ പെൺകുട്ടിക്കുനേരെ തെരുവുനായ പാഞ്ഞടുക്കുകയായിരുന്നു. ഈ സമയം സുരേഷ് സമീപത്ത് ബസ് കാത്തുനിൽക്കുകയായിരുന്നു. പെൺകുട്ടിയെ തെരുവുനായ ആക്രമിക്കാനൊരുങ്ങുന്നത് കണ്ട സുരേഷ് റോഡ് മുറിച്ചുകടന്ന് രക്ഷിക്കാനൊരുങ്ങി. ഇതോടെ നായ ഓടിയെത്തിയ സുരേഷിനെ ആക്രമിക്കുകയായിരുന്നു. ആദ്യം ഇയാളുടെ കൈയിൽ കടിക്കുകയായിരുന്നു. പിന്നാലെ പ്രതിരോധിക്കാനുള്ള ശ്രമത്തിനിടെ സുരേഷ് ഓടയിൽ വീഴുകയും ചെയ്തു. […]
മദ്രസ കഴിഞ്ഞെത്തിയ പെൺകുട്ടിക്ക് നേരെ തെരുവുനായ പാഞ്ഞടുത്തു, കുട്ടിയെ രക്ഷിക്കാൻ ശ്രമിച്ച നിർമാണ തൊഴിലാളിയെ നായ കടിച്ചുകീടി, നായയിൽ നിന്ന് രക്ഷപെടുന്നതിനിടെ ഓടയിൽ വീണ സുരേഷിനെ അവിടെയിട്ട് നായ ആക്രമിച്ചു, സമീപത്തുള്ളവർ അടിച്ചോടിക്കാൻ നോക്കിയിട്ടും കയ്യിലെ കടി വിടാതെ നായ, ശരീരത്തിൽ പതിനഞ്ചോളം മുറിവുകൾ
