വൈകുന്നേരത്തെ ചായയ്ക്കൊപ്പമോ രാത്രിയിലെ പ്രധാന ഭക്ഷണമായോ വിളമ്പാൻ പറ്റിയ വിഭവമാണ് എഗ്ഗ് റൈസ്. സാധാരണ രീതിയിൽ നിന്നും മാറി വീട്ടിലുള്ള ലളിതമായ ചേരുവകൾ ചേർത്ത് വളരെ എളുപ്പത്തിൽ ഇത് തയ്യാറാക്കാം. അല്പം ചോറും മുട്ടയും പിന്നെ കയ്യിലുള്ള പച്ചക്കറികളും ഉണ്ടെങ്കിൽ കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ വിഭവം മിനിറ്റുകൾക്കുള്ളിൽ റെഡിയാകും. നല്ല ചൂടോടെ കഴിക്കുമ്പോൾ ഹോട്ടലിലെ എഗ്ഗ് റൈസിനെ വെല്ലുന്ന രുചിയാണ് ഇതിന്റെ പ്രത്യേകത. ജോലിയും തിരക്കും കഴിഞ്ഞ് വരുന്നവർക്ക് ഒട്ടും ബുദ്ധിമുട്ടില്ലാതെ പരീക്ഷിക്കാവുന്ന ഒരു സൂപ്പർ റെസിപ്പി ആണിത്.
സാധനങ്ങൾ
റൈസ്: ഒരു കപ്പ്
മുട്ട: രണ്ട്
പച്ചമുളക്: 2
മുളകുപൊടി: 1 ടീസ്പൂൺ
ഇഞ്ചി-വെളുത്തുള്ളി പേസ്റ്റ്: 1 ടീസ്പൂൺ
മഞ്ഞൾപ്പൊടി: ഒരു നുള്ള്
എണ്ണ: 4-5 ടീസ്പൂൺ
ചെറിയ ഉള്ളി: ഒന്ന്
നാരങ്ങാനീര്: 2 ടീസ്പൂൺ
മല്ലിയില
ആവശ്യത്തിന് ഉപ്പ്
തയ്യാറാക്കുന്ന വിധം
ആദ്യം, വേവിച്ചു വെച്ച റൈസ് ഒരു വലിയ പാത്രത്തിലേക്ക് മാറ്റുക. ഇതിലേക്ക് മുളകുപൊടിയും നാരങ്ങാനീരും ചേർത്ത് നന്നായി ഇളക്കി മാറ്റിവെക്കുക. ഇനി ഒരു പാൻ അടുപ്പിൽ വെച്ച് ചൂടാക്കുക. പാത്രം ചൂടാകുമ്പോൾ എണ്ണ ഒഴിക്കുക. എണ്ണ ചൂടായ ശേഷം അരിഞ്ഞുവെച്ച പച്ചമുളകും സവാളയും ചേർത്ത് രണ്ടു മൂന്ന് മിനിറ്റ് നന്നായി വഴറ്റുക. അതിനുശേഷം ഇഞ്ചി-വെളുത്തുള്ളി പേസ്റ്റ് ചേർക്കുക. പിന്നീട് രണ്ട് മുട്ട പൊട്ടിച്ച് പാനിലേക്ക് ഒഴിക്കുക. മുട്ട നന്നായി വെന്തുവരുമ്പോൾ മസാലയുമായി യോജിപ്പിച്ച് ആവശ്യത്തിന് ഉപ്പ് ചേർക്കുക. ഇനി കഴിച്ചോളൂ.
The post രാത്രി ഭക്ഷണത്തിന് എന്തുണ്ടാക്കുമെന്ന് കൺഫ്യൂഷനാണോ? അഞ്ച് മിനിറ്റിൽ തയ്യാറാക്കാം ഈ സ്പെഷ്യൽ എഗ്ഗ് റൈസ്! appeared first on Express Kerala.
