ഷെന്ഗന് വിസ (Schengen Visa) നേടുന്നത് വലിയ പ്രയാസമായി തോന്നുന്നുവെങ്കില്, ഇന്ത്യക്കാര്ക്ക് തിരഞ്ഞെടുക്കാന്, ഏറെ എളുപ്പത്തില് പ്രവേശിക്കാവുന്ന ഒരു യൂറോപ്യന് രാജ്യമുണ്ട്. അല്ബേനിയ ആണത്.
അഡ്രിയാറ്റിക്, അയോണിയന് കടല് തീരത്ത് ബാള്ക്കണ്സില് സ്ഥിതി ചെയ്യുന്ന അല്ബേനിയ സന്ദര്ശിക്കാന്, ഇന്ത്യക്കാര്ക്ക് ഷെന്ഗന് വിസയുടെ നൂലാമാലകളില്പ്പെട്ട് കുഴങ്ങേണ്ടതില്ല.
ഇവിടെ കാണാന് നിരവധി മനോഹര ഇടങ്ങള് ഉണ്ടുതാനും. കാഴ്ചാസുന്ദരമായ കടല് തീരങ്ങളും ചരിത്രപ്രാധാന്യമേറിയ നഗരങ്ങളും അല്ബേനിയയെ അതിസുന്ദരമാക്കുന്നു. കൂടാതെ പടിഞ്ഞാറന് യൂറോപ്പിനെ അപേക്ഷിച്ച് ഇവിടെ ജീവിത ചിലവ് പൊതുവെ കുറവുമാണ്.
അതിനാല് നിങ്ങള്ക്ക് പണം ലാഭിക്കുകയും ചെയ്യാം. കുറഞ്ഞ സങ്കീര്ണതകളോടെ യൂറോപ്പ് സന്ദര്ശിക്കാന് ആഗ്രഹിക്കുന്നവര്ക്ക് അല്ബേനിയ ഒരു മികച്ച തിരഞ്ഞെടുപ്പാണ്.
അല്ബേനിയന് ടൈംസിന്റെ റിപ്പോര്ട്ട് പ്രകാരം, 2025 ന്റെ തുടക്കത്തില് രാജ്യം അന്താരാഷ്ട്ര വിനോദ സഞ്ചാരികളുടെ എണ്ണത്തില് വന് വര്ധനവ് രേഖപ്പെടുത്തിയിട്ടുണ്ട്. ഇന്ത്യന് വിനോദ സഞ്ചാരികളുടെ എണ്ണം ഇരട്ടിയിലേറെയായി.
പോയ വര്ഷത്തെ ആദ്യ നാല് മാസങ്ങള്ക്കിടെ സഞ്ചാരികളുടെ എണ്ണത്തില് 103 ശതമാനം വളര്ച്ചയാണ് രേഖപ്പെടുത്തിയത്. മൊത്തത്തില്, 2025ല് ആദ്യത്തെ ഒമ്പത് മാസത്തിനിടെ 10 ദശലക്ഷത്തിലധികം വിനോദ സഞ്ചാരികളെ അല്ബേനിയ എതിരേല്ക്കുകയും ചെയ്തു.
ഇന്ത്യക്കാര്ക്കുള്ള അല്ബേനിയന് വിസ
മറ്റ് ഒട്ടുമിക്ക യൂറോപ്യന് രാജ്യങ്ങളെയും അപേക്ഷിച്ച് അല്ബേനിയ ഷെന്ഗന് മേഖലയുടെ ഭാഗമല്ല. ഇതാണ് ഇന്ത്യന് യാത്രികരുടെ പ്രവേശനം കൂടുതല് ലളിതമാക്കുന്നത്. യാത്ര സാധ്യമാക്കാന് നിരവധി എളുപ്പ വഴികളുമുണ്ട്.
- ഇ-വിസ സൗകര്യം: ഇന്ത്യക്കാര്ക്ക് അല്ബേനിയന് – ടൈപ്പ് സി, ഇ-വിസക്ക് ഓണ്ലൈനായി അപേക്ഷിക്കാം, ഇതിന് എംബസിയില് പോകേണ്ടതില്ല.
- വിസ-രഹിത പ്രവേശനം: സാധുവായ മള്ട്ടിപ്പിള് എന്ട്രി യുഎസ് അല്ലെങ്കില് യുകെ വിസയുണ്ടെങ്കില് പ്രവേശനം സാധ്യമാണ്. കൂടാതെ പ്രസ്തുത രാജ്യങ്ങളുടെ റെസിഡന്സ് പെര്മിറ്റ് ഉള്ള യാത്രികരാണെങ്കില് പ്രത്യേക അല്ബേനിയന് വിസ ഇല്ലാതെ തന്നെ രാജ്യത്ത് പ്രവേശിക്കാം.
- താമസ അനുമതി: 180 ദിവസത്തിനുള്ളില് 90 ദിവസം വരെ.
സഞ്ചാരികളുടെ പറുദീസ
എന്തുകൊണ്ട് അല്ബേനിയ എല്ലാ സഞ്ചാരികളുടെയും ഇഷ്ട സ്ഥലമായി മാറുന്നുവെന്ന് നോക്കാം. ഈ സ്ഥലത്തോടുള്ള പ്രീതി വര്ധിപ്പിക്കുന്നതില് സോഷ്യല് മീഡിയയ്ക്ക് പ്രധാന പങ്കുണ്ട്.
ഈ അടുത്ത കാലത്ത് രാജ്യം സന്ദര്ശിച്ച ചില ട്രാവല് ഇന്ഫ്ളുവന്സര്മാര് അല്ബേനിയയെ ‘യൂറോപ്പിന്റെ വലിയ രഹസ്യം’ എന്ന് വിശേഷിപ്പിച്ച് വീഡിയോകള് പോസ്റ്റ് ചെയ്തിരുന്നു. അവ വന് തോതില് പ്രചരിച്ചു.
അത് ദശലക്ഷക്കണക്കിന് കാഴ്ചക്കാരെ ആകര്ഷിക്കുകയും ചെയ്തു. ഇതോടെ അല്ബേനിയയുടെ ടര്ക്കോയ്സ് കടല് തീരങ്ങള്, പാറക്കെട്ടുകളിലുള്ള കഫേകള്, പാസ്റ്റല് നിറത്തിലുള്ള തെരുവുകള് എന്നിവ ലോകം സശ്രദ്ധയോടെയും കൗതുകത്തോടെയും കണ്ടു.
അതില് ആകൃഷ്ടരായി ഇന്ത്യക്കാര് അടക്കമുള്ളവര് അല്ബേനിയയിലേക്ക് കൂട്ടത്തോടെ വച്ചുപിടിച്ചു.
അല്ബേനിയയില് സന്ദര്ശിക്കാന്
- തിരാന: വര്ണാഭവും അതുല്യവുമായ വാസ്തുവിദ്യകള്, കഫേകള്, മ്യൂസിയങ്ങള് എന്നിവയ്ക്ക് പേരുകേട്ട തലസ്ഥാന നഗരം.
- സരണ്ടെ: ഗ്രീസിന് അടുത്തുള്ള അയോണിയന് കടലിനോട് ചേര്ന്നുള്ള അതിസുന്ദരായ തീര നഗരം.
- ക്സാമില്: വെള്ള മണല് തീരങ്ങള്ക്കും ശുദ്ധമായ ടര്ക്കോയ്സ് വെള്ളത്തിനും പേരുകേട്ട സ്ഥലം.
- ബെരാത്: ‘ആയിരം ജനലുകളുള്ള നഗരം’ എന്ന് അറിയപ്പെടുന്ന ഇടം. ഇത് യുനെസ്കോയുടെ ലോക പൈതൃക പട്ടികയില് ഉള്പ്പെട്ടിട്ടുമുണ്ട്.
- ഗജിറോകാസ്റ്റര്: കല് വീടുകളും മലമുകളിലെ കോട്ടയുമുള്ള ചരിത്രപരമായ ഓട്ടോമന് നഗരം.
- അല്ബേനിയന് ആല്പ്സ്: ഹൈക്കിംഗിനും പ്രകൃതി ഭംഗി ആസ്വദിക്കുന്നതിനും മലയോര ഗ്രാമങ്ങള് സന്ദര്ശിക്കുന്നതിനും അനുയോജ്യം.
അല്ബേനിയയിലേക്കുള്ള വിമാന യാത്ര
നിലവില് ഇന്ത്യയില് നിന്ന് അല്ബേനിയയിലേക്ക് നേരിട്ട് വിമാനങ്ങള് ലഭ്യമല്ല. എന്നിരുന്നാലും, ഇന്ത്യന് യാത്രികര്ക്ക് ഇസ്താംബുള്, ദോഹ, ദുബായ്, വിയന്ന അല്ലെങ്കില് റോം പോലുള്ള പ്രധാന യൂറോപ്യന്, മിഡില് ഈസ്റ്റേണ് കേന്ദ്രങ്ങള് വഴി അല്ബേനിയയില് എളുപ്പത്തില് എത്താന് കഴിയും.
യൂറോപ്യന് തലസ്ഥാനങ്ങളുമായി നല്ല ബന്ധമുള്ള തിരാന അന്താരാഷ്ട്ര വിമാനത്താവളമാണ് അല്ബേനിയയിലേക്കുള്ള പ്രധാന പ്രവേശന കവാടം, ഇതിനെ റിനാസ് അന്താരാഷ്ട്ര വിമാനത്താവളം എന്നും വിളിക്കുന്നു.
