വാഷിംഗ്ടൺ: പശ്ചിമേഷ്യയിൽ സംഘർഷാവസ്ഥ തുടരുന്നതിനിടെ, ഇറാനെതിരെ കടുത്ത മുന്നറിയിപ്പുമായി ഡൊണാൾഡ് ട്രംപ് രംഗത്തെത്തി. സമാധാന കരാറിലേക്ക് ഇറാൻ ഉടൻ തയ്യാറാകണമെന്നും, അല്ലാത്തപക്ഷം ശക്തമായ തിരിച്ചടി നേരിടേണ്ടിവരുമെന്നും ട്രംപ് വ്യക്തമാക്കി. സ്വന്തം സോഷ്യൽ മീഡിയ പ്ലാറ്റ്ഫോമായ ട്രൂത്ത് സോഷ്യലിലൂടെയാണ് ട്രംപ് പ്രതികരിച്ചത്. നിർമിത ബുദ്ധി ഉപയോഗിച്ച് സൃഷ്ടിച്ച നിരവധി യുദ്ധദൃശ്യങ്ങൾ പങ്കുവെച്ചുകൊണ്ടായിരുന്നു അദ്ദേഹത്തിന്റെ മുന്നറിയിപ്പ്. ചിത്രങ്ങളിൽ ഇറാന്റെ ഭൂപടത്തിനുമുകളിൽ അമേരിക്കൻ പതാകയും സൈനിക ലക്ഷ്യസൂചനകളും ഉൾപ്പെടുത്തിയിട്ടുണ്ട്. “ഇറാനെ അനുവദിച്ചിരിക്കുന്ന സമയം വേഗത്തിൽ അവസാനിക്കുകയാണ്” എന്ന സന്ദേശവും ട്രംപ് പങ്കുവെച്ചു. […]
