കെ-ഡ്രാമ പ്രേമികൾക്ക് വസന്തകാലം; മാർച്ചിൽ ഒടിടിയിൽ എത്തുന്നത് വമ്പൻ റിലീസുകൾ!

ലോകമെമ്പാടും തരംഗമായ കൊറിയൻ സീരീസുകൾ 2026-ലും അതിന്റെ കുതിപ്പ് തുടരുകയാണ്. ജനുവരി, ഫെബ്രുവരി മാസങ്ങളിലെ ഹിറ്റുകൾക്ക് പിന്നാലെ മാർച്ചിലും പ്രേക്ഷകരെ ആവേശം കൊള്ളിക്കാൻ ഒരുപിടി മികച്ച കെ-ഡ്രാമകൾ എത്തുന്നു. പാർക്ക് മിൻ യങ്, ജിസൂ, ജൂ ജി ഹൂൺ തുടങ്ങിയ പ്രിയതാരങ്ങളുടെ തിരിച്ചുവരവാണ് പ്രധാന ആകർഷണം.

മാർച്ചിൽ റിലീസിനൊരുങ്ങുന്ന 6 പ്രധാന കൊറിയൻ സീരീസുകൾ

1. സൈറൺസ് കിസ്

റിലീസ് മാർച്ച് 2 , പ്ലാറ്റ്‌ഫോം: ആമസോൺ പ്രൈം

താരങ്ങൾ പാർക്ക് മിൻ യങ്, വി ഹാ ജൂൺ. പ്രണയവും സംശയവും നിറഞ്ഞ സൈക്കോളജിക്കൽ റൊമാൻസ് ത്രില്ലർ. ഇൻഷുറൻസ് ഇൻവെസ്റ്റിഗേറ്ററും ദുരൂഹതകൾ നിറഞ്ഞ ആർട്ട് ഓക്ഷനറും തമ്മിലുള്ള സംഘർഷമാണ് കഥാതന്തു.

Also Read: ആരോപണവിധേയർക്ക് ഇന്നും അവസരങ്ങൾ; സിനിമാ മേഖലയ്ക്കെതിരെ ആഞ്ഞടിച്ച് കൊങ്കണ സെൻ ശർമ

2. ബോയ്ഫ്രണ്ട് ഓൺ ഡിമാൻഡ്

റിലീസ് മാർച്ച് 6 , പ്ലാറ്റ്‌ഫോം: നെറ്റ്ഫ്ലിക്സ്

താരങ്ങ: ജിസൂ, സിയോ ഇൻ-ഗുക്ക്. ഏകാന്തത മാറ്റാൻ ‘വെർച്വൽ ബോയ്ഫ്രണ്ടിനെ’ തേടുന്ന വെബ്തൂൺ പ്രൊഡ്യൂസറുടെ കഥ പറയുന്ന റൊമാന്റിക് കോമഡി ഫാന്റസി.

3. ഷൈനിംഗ്

റിലീസ് മാർച്ച് 6 , പ്ലാറ്റ്‌ഫോം: നെറ്റ്ഫ്ലിക്സ്

താരങ്ങൾ പാർക്ക് ജിൻ ജൂ, കിം മിൻ ജു. വർഷങ്ങൾക്ക് ശേഷം വീണ്ടും കണ്ടുമുട്ടുന്ന കാമുകീ-കാമുകന്മാരുടെ വൈകാരികമായ തിരിച്ചറിവുകൾ. നഷ്ടപ്രണയത്തെക്കുറിച്ചുള്ള മനോഹരമായ ഒരു ഇമോഷണൽ ഡ്രാമയാണിത്.

4. ഫാന്റം ലോയർ

റിലീസ് മാർച്ച് 13 , പ്ലാറ്റ്‌ഫോം: വിക്കി

താരങ്ങൾ യൂ യോൺ-സോക്ക്, ഇസോം. സങ്കീർണ്ണമായ കേസുകൾ പരിഹരിക്കുന്ന ഒരു നിഗൂഢ വക്കീലിന്റെ പോരാട്ടം. ഉന്നതരായ കുറ്റവാളികളെ നിയമത്തിന് മുന്നിലെത്തിക്കാൻ അദ്ദേഹം നടത്തുന്ന നീക്കങ്ങളാണ് ഈ ലീഗൽ മിസ്റ്ററി ത്രില്ലർ.

Also Read: “ഐ ലവ് യു എന്ന് പറഞ്ഞു, ടെൻഷൻ കാരണം ഐ ലവ് യു ടൂ എന്ന് മറുപടിയും”; വൈറലായി ബേസിലിന്റെ പ്രസംഗം!

5. മാഡ് കോൺക്രീറ്റ് ഡ്രീംസ്

റിലീസ് മാർച്ച് 14 , പ്ലാറ്റ്‌ഫോം പ്രഖ്യാപിക്കാനിരിക്കുന്നു

താരങ്ങൾ ഹാ ജംഗ്-വൂ, ഇം സൂ-ജംഗ്. റിയൽ എസ്റ്റേറ്റ് മേഖലയിലെ അധികാര മോഹവും അത്യാഗ്രഹവും ചർച്ച ചെയ്യുന്ന ഡാർക്ക് ക്രൈം ഡ്രാമ. ഒരു വ്യാജ തട്ടിക്കൊണ്ടുപോകൽ നാടകം യഥാർത്ഥ കുറ്റകൃത്യമായി മാറുന്നതാണ് ഇതിന്റെ ഇതിവൃത്തം.

6. ക്ലൈമാക്സ്

റിലീസ് മാർച്ച് 16 , പ്ലാറ്റ്‌ഫോം: വിക്കി, ഡിസ്നി പ്ലസ്

താരങ്ങൾ ജു ജി-ഹൂൺ, ഹാ ജി-വോൺ. പ്രോസിക്യൂട്ടറും നടിയായ ഭാര്യയും തമ്മിലുള്ള അധികാര തർക്കങ്ങളും രാഷ്ട്രീയ കുടിപ്പകകളും പറയുന്ന സസ്പെൻസ് സീരീസ്.

റൊമാൻസ്, മിസ്റ്ററി, ക്രൈം എന്നിങ്ങനെ എല്ലാ തരം പ്രേക്ഷകർക്കും ആസ്വദിക്കാനുള്ള വൈവിധ്യമാർന്ന വിഭവങ്ങളാണ് മാർച്ചിൽ കൊറിയൻ സിനിമാലോകം ഒരുക്കിയിരിക്കുന്നത്. ‘ദ ആർട്ട് ഓഫ് സാറ’ പോലെയുള്ള മുൻകാല ഹിറ്റുകൾക്ക് ശേഷം വലിയ പ്രതീക്ഷയോടെയാണ് ആരാധകർ ഈ റിലീസുകളെ കാത്തിരിക്കുന്നത്.

The post കെ-ഡ്രാമ പ്രേമികൾക്ക് വസന്തകാലം; മാർച്ചിൽ ഒടിടിയിൽ എത്തുന്നത് വമ്പൻ റിലീസുകൾ! appeared first on Express Kerala.