ഹിജ്റ വര്ഷത്തിലെ ശവ്വാല് മാസം ഒന്നിനാണ് ഈദുല് ഫിത്വര് അഥവാ ചെറിയ പെരുന്നാള്. ഹിജ്റ വര്ഷത്തിലെ റമദാന് മാസത്തിലുടനീളം ആചരിച്ച ത്യാഗനിര്ഭരമായ വ്രതാനുഷ്ഠാനത്തിന്റെ പരിസമാപ്തി കുറിച്ചാണ് ഇസ്ലാം മത വിശ്വാസികള് ഈദുല് ഫിത്വര് ആഘോഷിക്കുന്നത്.
വ്രതശുദ്ധിയില് നിന്നാര്ജിച്ച ആത്മചൈതന്യത്തിന്റെ നിറവില് ശരീരവും മനസ്സും സ്ഫുടം ചെയ്തെടുത്ത് വിശ്വാസികള് ഈദിനെ എതിരേല്ക്കുന്നു. ഈ പുണ്യനാളില് പ്രിയപ്പെട്ടവര്ക്ക് നേരാം ഹൃദയം നിറഞ്ഞ ചെറിയ പെരുന്നാള് ആശംസകള്…
- സ്നേഹവഴികളില് തുടരട്ടെ ത്യാഗസമര്പ്പണങ്ങള് ; ഹൃദയം നിറഞ്ഞ ഈദുല് ഫിത്വര് ആശംസകള്
- സത്കര്മങ്ങള് അല്ലാഹു സ്വീകരിക്കട്ടെ, പാപങ്ങള് പൊറുത്തുതരട്ടെ ; സ്നേഹനിര്ഭരമായ ചെറിയ പെരുന്നാള് ആശംസകള്
- ചേലോടെ ചേര്ത്തണയ്ക്കാം, കനിവോടെ കണ്ണീരൊപ്പാം…ഹൃദയം നിറഞ്ഞ ചെറിയ പെരുന്നാള് ആശംസകള്
- നേരിന്റെ വേരുകള് പടരട്ടെ, സ്നേഹവഴികള് നീളട്ടെ…കനിവിന്റെയും കരുണയുടെയും ചെറിയ പെരുന്നാള് ആശംസകള്
- ഈ സ്നേഹദുനിയാവില് ഹൃദയങ്ങള് തിളങ്ങട്ടെ…ഏവര്ക്കും നന്മ നിറഞ്ഞ ഈദ് ആശംസകള്
- സ്നേഹപ്പൊന് ചിരികള് തിളങ്ങട്ടെ എങ്ങുമെന്നും…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- സമഭാവനയുടെയും സ്നേഹവാത്സല്യങ്ങളുടെയും ആഘോഷങ്ങള് പടരട്ടെ…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- കാരുണ്യവാനായ അല്ലാഹുവിന്റെ എണ്ണമറ്റ അനുഗ്രഹങ്ങള് നിങ്ങളില് തുടരട്ടെ…ഹൃദയം നിറഞ്ഞ ഈദ് ആശംസകള്
- കെടാതെ കാക്കാം കനിവിന്റെ കൈത്തിരി നാളങ്ങള്…നിറവാര്ന്ന ചെറിയ പെരുന്നാള് ആശംസകള്
- സര്വശക്തനായ അല്ലാഹുവിന്റെ കൃപാകടാക്ഷങ്ങള് എന്നുമുണ്ടാവട്ടെ…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- സ്നേഹവഴികളില് ഇടറാതെ പതറാതെ തുടരാം…നന്മനിറഞ്ഞ ചെറിയ പെരുന്നാള് ആശംസകള്
- ഖല്ബില് സ്നേഹത്തിന്റെ ഇശലുകളൊഴുകട്ടെയെന്നും…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- അറിവും ആനന്ദവും സ്നേഹത്തിന്, സമാധാനത്തിന്…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- എന്നെന്നും അല്ലാഹു നിങ്ങളില് ചൊരിയട്ടെ സ്നേഹപ്രകാശം…ഹൃദയം നിറഞ്ഞ ഈദുല് ഫിത്വര് ആശംസകള്
- സ്നേഹവിത്തുകള് നാമ്പെടുക്കട്ടെ എങ്ങുമെന്നും…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- കനിവും കരുണയുമാകട്ടെ ലക്ഷ്യങ്ങള്, തുടരുക സ്നേഹനിധികളായ്…സ്നേഹസമാധാനങ്ങളുടെ ചെറിയ പെരുന്നാള് നേരുന്നു
- കരുണാമയനായ അല്ലാഹുവിന്റെ പരിപാവന സ്മരണയില് ജീവിതം സുന്ദരമാവട്ടെ…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- വര്ണവര്ഗ ഭേദങ്ങളില്ലാതെ തുടരട്ടെ നന്മയും സ്നേഹവും…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
- ത്യാഗത്തിന്റെ, പങ്കുവയ്ക്കലിന്റെ മധുരസ്മരണകളുമായി വീണ്ടുമൊരു ചെറിയ പെരുന്നാള്…ഏവര്ക്കും ഹൃദയം നിറഞ്ഞ ഈദ് ആശംസകള്
- കരുണാമയനായ അല്ലാഹുവിന്റെ പരിപാവന സ്മരണയില് ജീവിതം സുന്ദരമാവട്ടെ…ഏവര്ക്കും ഹൃദയം നിറഞ്ഞ ഈദുല് ഫിത്വര് ആശംസകള്
- നാമ്പിടട്ടെ സ്നേഹപ്പൊന് വിത്തുകള്, പുലരട്ടെ കനിവാര്ന്ന ലോകം…ഹൃദയം നിറഞ്ഞ ചെറിയ പെരുന്നാള് ആശംസകള്
- സത്യവിശ്വാസത്തില് ധര്മനിഷ്ഠകള് പുലരട്ടെ…ഏവര്ക്കും സ്നേഹം നിറഞ്ഞ ചെറിയ പെരുന്നാള് ആശംസകള്
- സര്വശക്തന്റെ കല്പ്പനകള്ക്ക് കാതോര്ക്കുക, ത്യാഗത്താല് സമ്പന്നമാകട്ടെ ജീവിതം…ഹൃദയം നിറഞ്ഞ ഈദ് ആശംസകള്
- സ്നേഹത്തിലാഴട്ടെ വേരുകള്, വാത്സല്യത്തില് പുലരട്ടെ ലോകം…ഏവര്ക്കും ഹൃദയം നിറഞ്ഞ ചെറിയ പെരുന്നാള് ആശംസകള്
പരിശുദ്ധ റമദാന്
ഇസ്ലാമിക കലണ്ടറിലെ ഒമ്പതാം മാസമാണ് റമദാന്. മുസ്ലിം മതസ്ഥരെ സംബന്ധിച്ച് ഏറ്റവും പ്രധാന കാലയളവുകളിലൊന്ന്. ആത്മസംസ്കരണത്തിന്റെ ദിനങ്ങളാണ് വിശ്വാസികളെ സംബന്ധിച്ച് റമദാന്.
ശാരീരികവും മാനസികവുമായ ശുദ്ധീകരണം അത് മുന്നോട്ടുവയ്ക്കുന്നു. ഈ വിശുദ്ധ വേളയില് വിശ്വാസികള് പ്രാര്ത്ഥനകളില് ശ്രദ്ധ കേന്ദ്രീകരിക്കുന്നു. അവര് വ്രതം അനുഷ്ഠിക്കുന്നു. മുസ്ലിങ്ങള് നിര്ബന്ധമായും ആചരിക്കേണ്ട 5 കാര്യങ്ങളില് ഒന്നായി നോമ്പിനെ വ്യവസ്ഥപ്പെടുത്തിയിട്ടുണ്ട്.
സൂര്യോദയം മുതല് സൂര്യാസ്തമയം വരെ ഭക്ഷണമോ വെള്ളമോ കൂടാതെയാണ് വിശ്വാസികള് ഉപവസിക്കുക, കൂടാതെ അവര് ആത്മീയ, മതപരമായ കാര്യങ്ങളില് മനസ്സര്പ്പിക്കുകയും ചെയ്യുന്നു.
റമദാന്, പരിശുദ്ധ ഖുര് ആന് അവതരിപ്പിക്കപ്പെട്ട മാസവുമാണ്. സക്കാത്തിനാലും വിശിഷ്ടമാണ് ഈ വേള.
