നമ്മുടെ വേനൽക്കാലങ്ങൾക്ക് പലതരത്തിലുള്ള രുചിയും ഓർമ്മകളും ഉണ്ട്. വേനല്ക്കാലങ്ങൾ പൊതുവെ മാമ്പഴക്കാലം കൂടിയാണ്. അതുകൊണ്ട് തന്നെ മാങ്ങ കൊണ്ടുണ്ടാക്കുന്ന വിഭവങ്ങൾക്ക് തന്നെയാണ് കൂടുതൽ പ്രാധാന്യവും. കേരളത്തിലെ ഈ കടുത്ത ചൂടിനിടയിൽ ഒരു തണുത്ത മാങ്ങ കുൽഫിയുടെ സ്വാദ്, അതൊരു വേറിട്ട അനുഭവം തന്നെയാണ്. ഐസ്ക്രീമിനെക്കാൾ കട്ടിയുള്ളതും സമ്പന്നമായ രുചിയുമുള്ള ഈ ഡെസേർട്ട് വീട്ടിൽ തന്നെ വളരെ എളുപ്പത്തിൽ തയ്യാറാക്കാം. പ്രത്യേക ഉപകരണങ്ങളൊന്നും വേണ്ടെന്നതാണ് ഇതിന്റെ ഏറ്റവും വലിയ പ്രത്യേകത.
ആവശ്യമായ സാധനങ്ങൾ
* 1 ലിറ്റർ കൊഴുപ്പ് കൂടിയ പാൽ
* 1 കപ്പ് മാങ്ങ പൾപ്പ് (അൽഫോൻസോ മാങ്ങ ഏറ്റവും നല്ലത്)
* ½ കപ്പ് കണ്ടൻസ്ഡ് മിൽക്ക്
* ¼ കപ്പ് പഞ്ചസാര (സ്വാദനുസരണം)
* ½ ടീസ്പൂൺ ഏലക്കപ്പൊടി
* കുറച്ച് പിസ്താ (ഇഷ്ടാനുസൃതം മാത്രം, പക്ഷേ ചേർക്കുന്നത് നല്ലതാണ്)
തയ്യാറാക്കുന്ന വിധം
Step 1: പാൽ കുറയ്ക്കുക
ഒരു കട്ടിയുള്ള പാത്രത്തിൽ പാൽ തിളപ്പിക്കുക. തുടർന്ന് മിതമായ തീയിൽ 25–30 മിനിറ്റ് വരെ ഇളക്കി കൊണ്ട് പകുതി അളവാകുന്നത് വരെ കുറയ്ക്കുക. കുൽഫിയുടെ സമ്പന്നമായ രുചിയുടെ രഹസ്യം ഈ ഘട്ടത്തിലാണ്.
Step 2: മധുരം ചേർക്കുക
പാൽ കട്ടിയാകുമ്പോൾ കണ്ടൻസ്ഡ് മിൽക്കും പഞ്ചസാരയും ചേർത്ത് 5 മിനിറ്റ് കൂടി വേവിക്കുക. ശേഷം തണുപ്പിക്കാൻ മാറ്റി വയ്ക്കുക.
Step 3: മാങ്ങ ചേർക്കുക
മാങ്ങ പൾപ്പ് നന്നായി ബ്ലെൻഡ് ചെയ്ത് തണുത്ത പാലിൽ ചേർക്കുക. ഏലക്കപ്പൊടി ചേർത്ത് നന്നായി കലക്കുക.
Step 4: ഫ്രീസ് ചെയ്യുക
മിശ്രിതം കുൽഫി മോൾഡുകളിലോ ചെറു കപ്പുകളിലോ ഒഴിച്ച് മുകളിൽ പിസ്താ വിതറി 6–8 മണിക്കൂർ (അല്ലെങ്കിൽ രാത്രി മുഴുവൻ) ഫ്രീസ് ചെയ്യുക.
Step 5: സർവ് ചെയ്യുക
മോൾഡിന്റെ പുറത്തു കുറച്ച് ചൂടുവെള്ളം ഒഴിച്ച് കുൽഫി പുറത്തെടുത്തു സർവ് ചെയ്യുക.
പ്രോട്ടീൻ കൂട്ടാൻ ചെറിയ ട്രിക്കുകൾ
* പാൽ കുറയ്ക്കുമ്പോൾ 2–3 ടേബിൾസ്പൂൺ മിൽക്ക് പൗഡർ ചേർക്കാം
* മാങ്ങയോടൊപ്പം കുറച്ച് ഹംഗ് കർഡ് ചേർക്കാം
* വേണമെങ്കിൽ അല്പം വാനില വെയ് പ്രോട്ടീൻ ചേർക്കാം
മികച്ച കുൽഫിക്ക് ചില ടിപ്പുകൾ
* നന്നായി പഴുത്ത മാങ്ങ ഉപയോഗിക്കുക
* പാൽ കുറയ്ക്കുന്ന ഘട്ടം ഒഴിവാക്കരുത്
* കൂടുതൽ സമയം ഫ്രീസ് ചെയ്താൽ ടെക്സ്ചർ മെച്ചപ്പെടും
മാങ്ങ കുഫി ഒരു ഡെൽസേർട്ട് മാത്രമല്ല, അത് വേനലിന്റെ ഒരു ഓർമ്മയാണ്. ചൂടുള്ള ദിവസങ്ങളിൽ വീട്ടിൽ തന്നെ തയ്യാറാക്കി നോക്കൂ, ഒരിക്കൽ കഴിച്ചാൽ വീണ്ടും വീണ്ടും ഉണ്ടാക്കാൻ തോന്നും വിധം ഇത് നിങ്ങളുടെ മനസിനെ കൂടി തണുപ്പിക്കും.
മധുരപലഹാരങ്ങളിൽ മാമ്പഴം ചേർക്കുന്നതിന്റെ പോഷക ഗുണങ്ങൾ എന്തൊക്കെയാണ്?
മാമ്പഴം രുചികരം മാത്രമല്ല, വിറ്റാമിൻ എ, സി, മഗ്നീഷ്യം, പൊട്ടാസ്യം തുടങ്ങിയ പോഷകങ്ങളാലും സമ്പുഷ്ടമാണ്. ഈ പോഷകങ്ങൾ പ്രതിരോധശേഷി വർദ്ധിപ്പിക്കുകയും ദഹനത്തെ സഹായിക്കുകയും ആരോഗ്യകരമായ ചർമ്മത്തെ പ്രോത്സാഹിപ്പിക്കുകയും ചെയ്യുന്നു. കുൽഫി പോലുള്ള മധുരപലഹാരങ്ങളിൽ മാമ്പഴം ഉൾപ്പെടുത്തുന്നത് രുചി വർദ്ധിപ്പിക്കുക മാത്രമല്ല, നിങ്ങളുടെ വേനൽക്കാല വിഭവങ്ങളിൽ ആരോഗ്യകരമായ ഒരു ഘടകം ചേർക്കുകയും ചെയ്യുന്നു, ഇത് നിങ്ങളുടെ മധുരപലഹാരങ്ങളുടെ ആസക്തിയെ തൃപ്തിപ്പെടുത്തുന്നതിനുള്ള പോഷകസമൃദ്ധമായ തിരഞ്ഞെടുപ്പാക്കി മാറ്റുന്നു.
