കെ ബി ഗണേഷ്‌കുമാറിന് ഡ്രൈവിം​ഗ് ലൈസൻസ് ലഭിച്ചത് 18 വയസിന് മുമ്പ്, പലതവണ പുതുക്കിയിട്ടും നടപടിയില്ല, ഗതാഗത മന്ത്രിയുടെ ചട്ടലംഘനത്തിന് നേരെ കണ്ണടച്ച് അധികൃതര്‍

തിരുവനന്തപുരം: 18 വയസ്സ് പൂർത്തിയാകുന്നതിന് മുൻപ് തന്നെ ഗതാഗതമന്ത്രി കെ.ബി. ഗണേഷ്‌കുമാറിന് ഡ്രൈവിം​ഗ് ലൈസൻസ് ലഭിച്ചതായി രേഖകൾ. നിയമസഭയിലെ രേഖകൾ പ്രകാരം 1966 മേയ് 25-ആണ് ​ഗണേഷ് കുമാറിന്റെ ജനനതീയതി. 1984 ഫെബ്രുവരി 13-നാണ് ​ഗണേഷ് കുമാറിന് ലൈസൻസ് നൽകിയത്. ആർടി ഓഫീസിലുള്ള രേഖകൾ പ്രകാരം ലൈസൻസ് ലഭിക്കുമ്പോൾ ​ഗണേഷിന് 17 വയസും എട്ട് മാസവുമാണ് പ്രായം. 2024 നവംബർ നാലിന് കാലാവധി കഴിഞ്ഞ ലൈസൻസ് ​ഗണേഷ് പുതുക്കിയിട്ടുണ്ട്. എന്നാൽ അന്ന് മന്ത്രിയായതിനാൽ സെക്രട്ടറിയേറ്റിലെ മേൽവിലാസമാണ് നൽകിയത്. […]