മുംബൈ: ഇന്ത്യന് പ്രീമിയര് ലീഗ് സീസണ് നിര്ണായക ഘട്ടത്തിലേക്ക് കടക്കുമ്പോള് ഓറഞ്ച് ക്യാപിനും പര്പ്പിള് ക്യാപിനും വേണ്ടിയുള്ള പോരാട്ടം ആവേശകരമായി മുന്നേറുന്നു. ഓരോ മത്സരവും കഴിയുമ്പോള് പട്ടികയില് മാറ്റങ്ങള് സംഭവിക്കുന്നതോടെ താരങ്ങള് തമ്മിലുള്ള മത്സരം കടുപ്പമാകുകയാണ്.
എട്ട് മത്സരങ്ങളില് നിന്ന് 380 റണ്സ് നേടിയ അഭിഷേക് ശര്മ്മയ്ക്കാണ് നിലവില് ഓറഞ്ച് ക്യാപ്. രണ്ടാം സ്ഥാനത്ത് 358 റണ്സുമായി കെ എല് രാഹുലും, മൂന്നാമതായി 357 റണ്സുമായി യുവതാരം വൈഭവ് സൂര്യവംഷിയും ഇടംപിടിച്ചു. നാലാം സ്ഥാനത്ത് 351 റണ്സുമായി വിരാട് കോഹ്ലി നിലകൊള്ളുമ്പോള് 349 റണ്സുകളോടെ അഞ്ചാമതായി ഹെിന്റിച്ച് ക്ലാസെനുമുണ്ട്.
ബൗളര്മാരുടെ പട്ടികയിലും അതെ ആവേശം തന്നെയാണ്. ഏറ്റവും കൂടുതല് വിക്കറ്റുകള് നേടി പര്പ്പിള് ക്യാപ് നിലവില് ഭുവനേശ്വര് കുമാറിന്റെ കൈവശമാണ്. എട്ട് മത്സരങ്ങളില് നിന്ന് 14 വിക്കറ്റുകളാണ് താരം നേടിയിട്ടുള്ളത്. സമാനമായി 14 വിക്കറ്റുകളോടെ അന്ഷുള് കാംബോജ് രണ്ടാമതും, ഇഷാന് മലിങ്ക മൂന്നാമതുമാണ്. ജോഫ്ര ആര്ച്ചര്, പ്രിന്സ് വ് എന്നിവര് 13 വിക്കറ്റുകളോടെ നിലവില് നാലും, അഞ്ചും സ്ഥാനങ്ങളിലാണ്.
ഓറഞ്ച് ക്യാപ്
ക്രമം താരം ടീം റണ്സ്
1 അഭിഷേക് ശര്മ്മ ഹൈദരാബാദ് 380
2 കെ എല് രാഹുല് ദല്ഹി 358
3 വൈഭവ് സൂര്യവംഷി രാജസ്ഥാന് 357
4 വിരാട് കോഹ്ലി ബാംഗ്ലൂര് 351
5 ഹെന്റിച്ച് ക്ലാസെന് ഹൈദരാബാദ് 349
പര്പ്പിള് ക്യാപ്
ക്രമം താരം ടീം വിക്കറ്റ്
1 ഭുവനേശ്വര് കുമാര് ബാംഗ്ലൂര് 14
2 അന്ഷുള് കാംബോജ് ചെന്നൈ 14
3 ഇഷാന് മലിങ്ക ഹൈദരാബാദ് 14
4 ജോഫ്ര ആര്ച്ചര് രാജസ്ഥാന് 13
5 പ്രിന്സ് യാദവ് ലഖ്നൗ 13
