ഐപിഎല്ലിലെ റൺവേട്ടക്കാരുടെ പട്ടികയിൽ ആദ്യ പത്തിലേക്ക് തിരിച്ചെത്തി ചെന്നൈ സൂപ്പർ കിംഗ്സ് താരം സഞ്ജു സാംസൺ. മുംബൈ ഇന്ത്യൻസിനെതിരായ മത്സരത്തിൽ 9 റൺസിന് പുറത്തായെങ്കിലും, സീസണിലെ മികച്ച പ്രകടനത്തിന്റെ കരുത്തിലാണ് സഞ്ജു പത്താം സ്ഥാനത്തേക്ക് ഉയർന്നത്. മത്സരത്തിന് മുൻപ് 13-ാം സ്ഥാനത്തായിരുന്ന സഞ്ജു, നിലവിൽ ഒമ്പത് മത്സരങ്ങളിൽ നിന്ന് 315 റൺസ് നേടിയിട്ടുണ്ട്. രണ്ട് സെഞ്ച്വറികളടക്കം 115 റൺസാണ് സഞ്ജുവിന്റെ ഉയർന്ന സ്കോർ. 45.00 ശരാശരിയും 167.55 സ്ട്രൈക്ക് റേറ്റും സഞ്ജുവിനുണ്ട്.
അതേസമയം, ഡൽഹി ക്യാപിറ്റൽസിന്റെ കെ.എൽ. രാഹുൽ ഓറഞ്ച് ക്യാപ്പ് പോരാട്ടത്തിൽ ഒന്നാമതെത്തി. രാജസ്ഥാൻ റോയൽസിനെതിരായ മത്സരത്തിൽ 75 റൺസ് നേടിയതോടെയാണ് രാഹുൽ (433 റൺസ്) പട്ടികയിൽ ഒന്നാമനായത്. പുറത്താവാതെ നേടിയ 152 റൺസാണ് രാഹുലിന്റെ ഉയർന്ന സ്കോർ. ഒരു സെഞ്ചുറിയും മൂന്ന് അർധ സെഞ്ച്വറികളും നേടിയ രാഹുലിന്റെ സ്ട്രൈക്ക് റേറ്റ് 185.83 ആണ്. സൺറൈസേഴ്സ് ഹൈദരാബാദിന്റെ അഭിഷേക് ശർമ (425 റൺസ്), ഹെൻറിച്ച് ക്ലാസൻ (414 റൺസ്) എന്നിവരാണ് യഥാക്രമം രണ്ടും മൂന്നും സ്ഥാനങ്ങളിൽ.
വൈഭവ് സൂര്യവംശി 404 റൺസുമായി നാലാം സ്ഥാനത്തും വിരാട് കോലി 379 റൺസുമായി അഞ്ചാം സ്ഥാനത്തുമുണ്ട്. ശുഭ്മാൻ ഗിൽ (373), പ്രഭ്സിമ്രാൻ സിംഗ് (346), സായ് സുദർശൻ (328), ഇഷാൻ കിഷൻ (312), യശസ്വി ജയ്സ്വാൾ (312) എന്നിവരാണ് ആദ്യ പത്തിലുള്ള മറ്റ് താരങ്ങൾ. ഐപിഎൽ പത്തൊമ്പതാം സീസണിൽ താരങ്ങൾക്കിടയിൽ ഓറഞ്ച് ക്യാപ്പിനായുള്ള പോരാട്ടം മുറുകുകയാണ്.
The post ഓറഞ്ച് ക്യാപ്പിനായി പോരാട്ടം; സഞ്ജു സാംസൺ ആദ്യ പത്തിൽ appeared first on Express Kerala.
