സൺറൈസേഴ്സ് ഹൈദരാബാദിനെതിരെ 82 റൺസിന്റെ പടുകൂറ്റൻ ജയം സ്വന്തമാക്കി ഗുജറാത്ത് ടൈറ്റൻസ് പ്ലേ ഓഫ് ഉറപ്പിച്ചു. ഈ വിജയത്തോടെ 16 പോയിന്റാണ് ശുഭ്മാൻ ഗില്ലും സംഘവും അക്കൗണ്ടിലാക്കിയത്. ആദ്യം ബാറ്റ് ചെയ്ത ഗുജറാത്ത് സായ് സുദർശന്റെയും (61) വാഷിംഗ്ടൺ സുന്ദറിന്റെയും (50) അർധസെഞ്ചുറികളുടെ കരുത്തിൽ അഞ്ച് വിക്കറ്റ് നഷ്ടത്തിൽ 168 റൺസെടുത്തു. ഹൈദരാബാദിനായി പ്രഫുൽ ഹിംഗെയും സാക്കിബ് ഹുസൈനും രണ്ട് വിക്കറ്റുകൾ വീതം വീഴ്ത്തി.
169 റൺസ് ലക്ഷ്യവുമായി മറുപടി ബാറ്റിംഗിനിറങ്ങിയ ഹൈദരാബാദിനെ ഗുജറാത്ത് ബൗളർമാർ 90 റൺസിൽ എറിഞ്ഞിട്ടു. മൂന്ന് വിക്കറ്റുകൾ വീതം വീഴ്ത്തിയ കാഗിസോ റബാഡ, ജേസൺ ഹോൾഡർ എന്നിവർക്കൊപ്പം രണ്ട് വിക്കറ്റുമായി പ്രസിദ്ധ് കൃഷ്ണയും ചേർന്നതോടെ ഹൈദരാബാദ് നിര തകരുകയായിരുന്നു. 19 റൺസെടുത്ത നായകൻ പാറ്റ് കമ്മിൻസാണ് ഹൈദരാബാദ് നിരയിലെ ടോപ് സ്കോറർ. ബാറ്റിംഗിലും ബൗളിംഗിലും ഒരുപോലെ ആധിപത്യം പുലർത്തിയാണ് ഗുജറാത്ത് നിർണ്ണായക വിജയം നേടിയത്.
The post ഹൈദരാബാദിനെ തകർത്തെറിഞ്ഞ് ഗുജറാത്ത്; പ്ലേ ഓഫ് ഉറപ്പിച്ചു appeared first on Express Kerala.
