മനാമ : പത്രാധിപർ ആയിരുന്നപ്പോഴും എഴുത്തുകാരനായി നിൽക്കുമ്പോഴും മനുഷ്യന്റെ വേദനകൾ തിരിച്ചറിഞ്ഞ വ്യക്തിത്വം ആയിരുന്നു എം ടി വാസുദേവൻ നായറെന്ന് ഐ.വൈ.സി.സി ബഹ്റൈൻ. സിനിമയിലും, സാഹിത്യത്തിലും, ഗാന രചനയിലും, സംവിധാനത്തിലും, ബാല സാഹിത്യത്തിലും, തുടങ്ങി സമസ്ത മേഖലകളിലും തന്റെ കയ്യൊപ്പ് ചാർത്തിയ അതുല്യ പ്രതിഭയായിരുന്നു എം ടി വാസുദേവൻ നായർ.
അദ്ദേഹത്തിന്റെ നിര്യാണം മലയാളി സമൂഹത്തിനു തീരാ നഷ്ടമാണ്. മൗനം ഏറ്റവും വലിയ ആയുധമാണെന്ന് മാലോകർക്ക് കാണിച്ചു തന്ന വ്യക്തിത്വം കൂടിയായിരുന്നു അദ്ദേഹം. സാമൂഹിക തിന്മകൾക്കെതിരെ തൂലിക ചലിപ്പിക്കാനും പ്രതികരിക്കാനും അദ്ദേഹം എപ്പോഴും ശ്രദ്ധിച്ചിരുന്നു. ഐ.വൈ.സി.സി ബഹ്റൈൻ ദേശീയ എക്സികുട്ടീവ് അനുശോചന സന്ദേശത്തിൽ പറഞ്ഞു.
