എ.ഐ സാങ്കേതികവിദ്യയിലൂടെ വിൻഡോസ് ഒരു പുതിയ തലത്തിലേക്ക് കടക്കുന്നു. അടുത്ത അഞ്ച് വർഷത്തിനുള്ളിൽ വിൻഡോസ് ഓപ്പറേറ്റിംഗ് സിസ്റ്റത്തിൽ കാര്യമായ മാറ്റങ്ങൾ ഉണ്ടാകുമെന്ന് മൈക്രോസോഫ്റ്റിന്റെ എന്റർപ്രൈസ് & സെക്യൂരിറ്റിയുടെ കോർപ്പറേറ്റ് വൈസ് പ്രസിഡന്റായ ഡേവിഡ് വെസ്റ്റൺ പറയുന്നു.
വിൻഡോസിന്റെ 2030 ലെ വിഷനെ കുറിച്ച് മൈക്രോസോഫ്റ്റ് പുറത്തിറക്കിയ വീഡിയോയിലാണ് നിർമിത ബുദ്ധി (AI) ഉൾച്ചേർക്കുന്നതിലൂടെ വിൻഡോസിനുണ്ടാകുന്ന മാറ്റത്തെക്കുറിച്ച് ഡേവിഡ് വെസ്റ്റൺ പറയുന്നത്.
ഉപയോക്താക്കളുടെ താൽപ്പര്യങ്ങൾ അറിഞ്ഞ് പ്രവർത്തിക്കാൻ സാധിക്കുന്ന വിധത്തിൽ രൂപകൽപ്പന ചെയ്തിരിക്കുന്ന ഒരു പുതിയ ഡസ്‌ക് ടോപ് ഉപയോക്തൃ അനുഭവമായിരിക്കും വരാനിരിക്കുന്നതെന്ന് അദ്ദേഹം പറയുന്നു.
ALSO READ: സെക്കൻഡിൽ 37 മൈൽ വേഗതയിൽ സൗരയൂഥത്തോട് പാഞ്ഞടുത്ത് അജ്ഞാത വസ്തു; എന്തെന്നറിയാതെ ശാസ്ത്രജ്ഞർ
വിൻഡോസിന്റെയും മറ്റ് മൈക്രോസോഫ്റ്റ് ഓപ്പറേറ്റിംഗ് സിസ്റ്റങ്ങളുടെയും ഭാവി പതിപ്പ് ഒരു മൾട്ടിമോഡൽ രീതിയിൽ സംവദിക്കുന്നതായിരിക്കും. കംപ്യൂട്ടറുകൾക്ക് നമ്മൾ കാണുന്നത് കാണാനും, കേൾക്കുന്നത് കേൾക്കാനും, നമുക്ക് അതിനോട് സംസാരിക്കാനും കൂടുതൽ സങ്കീർണ്ണമായ കാര്യങ്ങൾ ചെയ്യാൻ ആവശ്യപ്പെടാനും കഴിഞ്ഞേക്കും.’ മൗസും കീബോർഡും പോലുള്ള പരമ്പരാഗത ഇൻപുട്ട് രീതികൾ അന്യമായേക്കുമെന്നും വെസ്റ്റേൺ സൂചിപ്പിക്കുന്നു.
ഇതേകുറിച്ചുള്ള കൂടുതൽ വിശദാംശങ്ങൾ ലഭ്യമല്ലെങ്കിലും ഭാവിയിൽ ഓപ്പറേറ്റിംഗ് സിസ്റ്റങ്ങൾ ആഴത്തിൽ ഐ.ഐയെ ഉൾച്ചേർക്കുന്ന ഒരു സാഹചര്യത്തിലേക്കാണ് വെസ്റ്റേണിന്റെ വാക്കുകൾ വിരൽ ചൂണ്ടുന്നത്. ഉപയോക്താക്കൾക്ക് സ്വാഭാവിക ഭാഷയിലൂടെയും ഒന്നിലധികം ഇൻപുട്ട് മോഡുകളിലൂടെയും ഇവയുമായി സംവദിക്കാൻ ആകും. വർക്ക്ഫ്‌ളോകളും ടാസ്‌കുകളുമെല്ലാം എ.ഐ കൈകാര്യം ചെയ്യും.
ALSO READ: ജിപിടി 5 ൽ ഉപഭോക്താക്കള്‍ അത്ര സംതൃപ്തരല്ല! മികച്ചത് ജിപിടി-4ഒ
എ.ഐയ്ക്ക് പിന്നാലെ തന്നെ മൈക്രോസോഫ്റ്റ്
ആപ്ലിക്കേഷനുകൾക്കുള്ളിലും പുറത്തും എ.ഐ പ്രവർത്തിക്കുന്ന തരത്തിലുള്ള ഒരു ആശയം മൈക്രോസോഫ്റ്റ് നേരത്തെയും അവതരിപ്പിച്ചിരുന്നു. ആപ്പുകൾ, ഫയലുകൾ, ടാസ്‌ക്കുകൾ എന്നിവ കൈകാര്യം ചെയ്യാൻ കഴിയുന്ന വിൻഡോസിന്റെ സജീവ ഭാഗമാണ് ഐ.എ എന്നാണ്‌ ‘ബിൽഡ് 2023’ എന്ന പരിപാടിയിൽ സ്റ്റീവൻ ബാത്തിഷെ വിശേഷിപ്പിച്ചത്‌.
ഓപ്പറേറ്റിംഗ് സിസ്റ്റങ്ങളെയും ഉപയോക്തൃ ഇന്റർഫേസുകളെയും എ.ഐ പരിവർത്തനം ചെയ്യുമെന്ന് മൈക്രോസോഫ്റ്റ് സിഇഒ സത്യ നാദെല്ലയും സൂചിപ്പിച്ചിരുന്നു. 2023-ലെ സ്നാപ്ഡ്രാഗൺ ഉച്ചകോടിയിൽ ഒരു ഓപ്പറേറ്റിംഗ് സിസ്റ്റം എന്താണെന്നും, ഒരു യൂസർ ഇന്റർഫേസ് എങ്ങനെയിരിക്കും, ആപ്ലിക്കേഷൻ ഇടപെടൽ എങ്ങനെയാകും എന്നതൊക്കെ ഐ.ഐ മാറ്റുമെന്നും , വിൻഡോസിലേക്ക് ഐ.ഐ യെ കൂടുതൽ ആഴത്തിൽ സംയോജിപ്പിക്കുന്നതിലേക്കാണ് കമ്പനിയെ ഇത് നയിക്കുകയെന്നുമാണ് നദെല്ല പറഞ്ഞത്.
എന്തായാലും എ.ഐ വിൻഡോസിലും മറ്റ് ആപ്ലിക്കേഷനുകളിലും ഒക്കെ വരുത്തുന്ന മാറ്റം കാണാൻ 2030 ലേക്ക് ഉറ്റുനോക്കുകയാണ് ടെക് ലോകം.
The post എ.ഐ സാങ്കേതികവിദ്യയിലൂടെ വിൻഡോസ് ഒരു പുതിയ തലത്തിലേക്ക് കടക്കുന്നു appeared first on Express Kerala.
