ദോഹ: എഎഫ്സി ചാമ്പ്യന്സ് ലീഗില് വെളളിയാഴ്ച നടന്ന ഗ്രൂപ്പ് ഘട്ട നറുക്കെടുപ്പില് ഐഎസ്എല് ടീമായ എഫ് സി ഗോവയും സൗദി പ്രോ ലീഗില് ക്രിസ്റ്റ്യാനൊ റൊണാള്ഡോയുടെ ടീം അല് നസ്റും ഒരേഗ്രൂപ്പില്. ഗ്രൂപ്പ് ഡിയിലാണ് എഫ് സി ഗോവ അല് നസ്റിനൊപ്പം ഇടം നേടിയത്.ഈ ടീമുകള്ക്കൊപ്പം ഇറാഖില് നിന്നുള്ള അല് സവാര എഫ് സിയും തജിക്കിസ്ഥാനില് നിന്നുള്ള എഫ് സി ഇസ്റ്റിക്ലോളുമാണ് ഇടം നേടിയത്.
അല് നസ്റിന്റെ ഗ്രൂപ്പില് ഇടം നേടിയതോടെ സൂപ്പര് താരം ക്രിസ്റ്റ്യാനൊ റൊണാള്ഡോ ഇന്ത്യയില് കളിക്കാന് വഴിയൊരുങ്ങി.എന്നാല് എഎഫ്സി ചാമ്പ്യന്സ് ലീഗ് എവേ മത്സരങ്ങളില് കളിക്കുന്നതില് നിന്ന് അല് നസ്ര് റൊണാള്ഡോയുമായുള്ള കരാറില് ഇളവ് നല്കിയിട്ടുണ്ട്. ഈ സാഹചര്യത്തില് താരത്തിന് ഇന്ത്യയില് കളിക്കുന്നതില് നിന്ന് വിട്ടു നില്ക്കുന്നതിന് തടസമില്ല.
എങ്കിലും കഴിഞ്ഞ സീസണൊടുവില് അല് നസ്റുമായുള്ള കരാര് രണ്ട് വര്ഷത്തേക്ക് കൂടി പുതുക്കിയ റൊണാള്ഡോ ഗോവയില് കളിക്കാനെത്തുമെന്നാണ് ആരാധകരുടെ പ്രതീക്ഷ.
