തൃശൂർ: കണിമംഗലത്ത് തട്ടുകടയിൽ ഗ്യാസ് സിലിണ്ടർ ചോർന്ന് തീപിടിത്തം. കണിമംഗലം പാലത്തിന് സമീപമുള്ള തട്ടുകടയിലാണ് പാചകവാതക സിലിണ്ടർ ചോർന്നതിനെ തുടർന്ന് തീപിടിത്തം ഉണ്ടായത്. വൈകീട്ട് 7.30 ഓടെയാണ് സംഭവം. അഗ്നിരക്ഷാ സേനയുടെ സമയോചിതമായ ഇടപെടലിൽ ഒഴിവായത് വൻദുരന്തം.
ഔദ്യോഗിക ആവശ്യത്തിനായി കണിമംഗലം പാലം വഴി യാത്ര ചെയ്യുകയായിരുന്ന റവന്യൂ മന്ത്രി കെ. രാജൻ അടിയന്തരമായി സംഭവസ്ഥലത്ത് എത്തുകയും അഗ്നിരക്ഷാ സേനയുടെ സഹായത്തോടെ തീ പടർന്നു പിടിക്കാതിരിക്കാനുള്ള നടപടികൾ കൈക്കൊള്ളുകയും ക്രിയാത്മകമായി ഏകോപിപ്പിക്കുകയും ചെയ്തു. അഗ്നിശമന സേനാംഗങ്ങൾ തീപിടിത്തത്തിന് കാരണമായ ഗ്യാസ് സിലിണ്ടർ സുരക്ഷിതമായി പുറത്തെത്തിച്ച് അപകടം ഒഴിവാക്കി. ആളപായമില്ല.
The post കണിമംഗലത്ത് തട്ടുകടയിൽ ഗ്യാസ് സിലിണ്ടർ ചോർന്ന് തീപിടിത്തം appeared first on Express Kerala.
