കാസർകോട്: കിണറിന് മുകളിലുള്ള സർവീസ് ലൈനിൽ വീണ ഓല എടുത്തു മാറ്റുന്നതിനിടെ അപകടം. കാൽ വഴുതി കിണറ്റിലേക്ക് വീണ് യുവാവിന് ദാരുണാന്ത്യം. കാസർകോട് ഉദുമയിലാണ് സംഭവം. വലിയവളപ്പിലെ 18 കാരനായ അശ്വിൻ അരവിന്ദ് ആണ് മരിച്ചത്. ഓല എടുത്തുമാറ്റുന്നതിനിടെ കാൽ വഴുതി അശ്വിൻ കിണറിലേക്ക് വീണ വിവരം അറിഞ്ഞ ഉടൻ തന്നെ അഗ്നിരക്ഷാ സേന സ്ഥലത്തെത്തി രക്ഷാപ്രവർത്തനം നടത്തി. കിണറിൽ നിന്ന് പുറത്തെടുത്ത അശ്വിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അരവിന്ദിന്റെയും അംബുജാക്ഷിയുടെയും മകനാണ്.
The post കിണറിന് മുകളിലുള്ള സർവീസ് ലൈനിൽ വീണ ഓല എടുത്തു മാറ്റുന്നതിനിടെ അപകടം appeared first on Express Kerala.
