ന്യൂഡൽഹി: ഭാര്യയെ കഴുത്ത് ഞെരിച്ച് കൊലപ്പെടുത്തിയ ശേഷം ആത്മഹത്യ ചെയ്ത നിലയിൽ കണ്ടെത്തിയതായി പോലീസിനെ വിളിച്ചറിയിച്ചു. ഭർത്താവ് പിടിയിൽ. ക്ഷേത്ര പൂജാരിയായ ദിനേശ് ശർമയെന്നയാളാണ് 40 കാരിയായ ഭാര്യ സുഷമ ശർമയെ കൊലപ്പെടുത്തിയത്. സംഭവത്തിൽ ഇയാളെ പോലീസ് അറസ്റ്റുചെയ്തു. ഡൽഹിയിലെ കേശവ്പുരത്ത് ശനിയാഴ്ച രാത്രിയാണ് സംഭവം നടന്നത്.
സുഷമയെ കഴുത്തുഞെരിച്ച് കൊലപ്പെടുത്തിയ ദിനേശ്, തന്റെ ഭാര്യയെ മുറിയിൽ ജീവനൊടുക്കിയ നിലയിൽ കണ്ടെത്തിയെന്ന് പൊലീസിനെ വിളിച്ച് അറിയിക്കുകയായിരുന്നു. വിവരമറിഞ്ഞ് സ്ഥലത്തെത്തിയ പൊലീസ് കാണുന്നത് നിലത്ത് മരിച്ചുകിടക്കുന്ന സുഷമയെ ആണ്. ദമ്പതികളുടെ 11കാരിയായ മകൾ ഇതേ മുറിയിലെ കിടക്കയിൽ ഉറങ്ങുന്നുണ്ടായിരുന്നു.
ALSO READ: വിവാഹിതയായ യുവതിയുമായി ബന്ധം; 27 കാരനെ തൂണിൽ കെട്ടിയിട്ട് മർദ്ദിച്ച് കൊലപ്പെടുത്തി
തുടർന്ന് നടത്തിയ ചോദ്യം ചെയ്യലിൽ, തലയിണ ഉപയോഗിച്ച് ഭാര്യയെ ശ്വാസം മുട്ടിച്ച് കൊലപ്പെടുത്തിയതായി ശർമ പൊലീസിനോട് സമ്മതിച്ചു. സ്ത്രീയുടെ മൃതദേഹം പൊലീസ് പോസ്റ്റ്‌മോർട്ടത്തിനായി ബാബു ജഗ്ജീവൻ റാം ആശുപത്രിയിലേക്ക് അയച്ചു.
അതേസമയം, പൊലീസിനെതിരെ ആരോപണവുമായി സുഷമയുടെ കുടുംബം രംഗത്തെത്തി. പൊലീസ് തങ്ങളുടെ പരാതികൾ പരിഹരിക്കാൻ ശ്രമിക്കുന്നില്ലെന്നും പകരം വിഷയം മൂടിവയ്ക്കാൻ ശ്രമിക്കുകയാണെന്നും കുടുംബം പറയുന്നു.
‘ഇന്നലെ രാത്രി 12 മണിക്കോ ഒരു മണിക്കോ ആണ് സുഷമ മരിച്ചത്. പക്ഷേ ഇന്ന് രാവിലെ ആറ് മണിക്കാണ് പൊലീസ് ഇക്കാര്യം ഞങ്ങളെ അറിയിച്ചത്’- സഹോദരൻ അശോക് കുമാർ പറഞ്ഞു. ദിനേശ് ശർമയ്ക്ക് മറ്റൊരു സ്ത്രീയുമായി ബന്ധമുണ്ടായിരുന്നെന്നും ഇതാണ് കൊലപാതകത്തിന് കാരണമെന്നും കുടുംബം ആരോപിച്ചു.
ALSO READ: കുട ചൂടി, ക്യാമറ തിരിച്ചുവെച്ച് മോഷണം; പെരുമ്പാവൂരിൽ സൂപ്പർമാർക്കറ്റിൽ നിന്ന് ഒരു ലക്ഷം രൂപ കവർന്നു
‘ഭക്ഷണത്തെച്ചൊല്ലി ദമ്പതികൾ തമ്മിൽ വഴക്കുണ്ടായെന്നും തുടർന്നാണ് ഭർത്താവ് തന്റെ സഹോദരിയെ കൊന്നതെന്നുമാണ് പൊലീസ് പറയുന്നത്. എന്നാൽ യഥാർഥ കാരണം അയാളുടെ വിവാഹേതര ബന്ധമാണ്. സഹോദരി കുടുംബത്തോട് ഇതേക്കുറിച്ച് പരാതിപ്പെട്ടിരുന്നു’- സഹോദരൻ കൂട്ടിച്ചേർത്തു.
The post ഭാര്യയെ കഴുത്ത് ഞെരിച്ച് കൊലപ്പെടുത്തി; ഭർത്താവ് പിടിയിൽ appeared first on Express Kerala.
