ഒരു നിമിഷം ആ അമ്മ ആത്മഹത്യയ്ക്ക് മുൻപ് താൻ കൂടി നഷ്ടപ്പെട്ട് മക്കൾ തനിച്ചായെങ്കിലെന്ന് ചിന്തിച്ചിരുന്നെങ്കിൽ… ചേലക്കരയിൽ കൂട്ട ആത്മഹത്യയ്ക്ക് ശ്രമിച്ച വീട്ടമ്മയും മരണത്തിന് കീഴടങ്ങി, അച്ഛനും അമ്മയും ചേച്ചിയും നഷ്ടപ്പെട്ട കുഞ്ഞ് അക്ഷയ് ജീവിതത്തിലേക്ക്

തൃശൂർ: ചേലക്കരയിൽ ഭർത്താവ് മരിച്ചതോടെ കൂട്ടആത്മഹത്യാ ശ്രമിച്ച് ഗുരുതരാവസ്ഥയിൽ തൃശ്ശൂർ മെഡിക്കൽ കോളജ് ആശുപത്രിയിൽ ചികത്സയിലായിരുന്ന വീട്ടമ്മയും മരിച്ചു. ചേലക്കര മേപ്പാടം കോൽപ്പുറത്ത് വീട്ടിൽ പരേതനായ പ്രദീപിൻ്റെ ഭാര്യ ഷൈലജയാണ് (34) ഇന്നലെ രാവിലെ മരിച്ചത്. ഷൈലജയോടൊപ്പം വിഷം അകത്ത് ചെന്ന നിലയിൽ കണ്ടെത്തിയ മൂത്തമകൾ അണിമ (6) അന്നേ ദിവസംതന്നെ മരിച്ചിരുന്നു. എന്നാൽ ഒപ്പമുണ്ടായിരുന്ന മകൻ അക്ഷയ് (4) അപകടനില തരണം ചെയ്തു. ഷൈലജയുടെ ഭർത്താവ് പ്രദീപ് വൃക്ക രോഗത്തെ തുടർന്ന് രണ്ടാഴ്ച്ചയ്ക്ക് മുൻപാണ് മരണമടഞ്ഞത്. […]