മൂന്നാമത്തെ ബലാത്സംഗക്കേസിലും പ്രതിയായി അറസ്റ്റിലായ സാഹചര്യത്തിൽ, രാഹുൽ മാങ്കൂട്ടത്തിലിന് എംഎൽഎ പദവിയിൽ തുടരാൻ ധാർമ്മികമായ അവകാശമില്ലെന്ന് മുതിർന്ന കോൺഗ്രസ് നേതാവ് വി.എം. സുധീരൻ വ്യക്തമാക്കി. കൊച്ചിയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. മറ്റാരെങ്കിലും ആവശ്യപ്പെടുന്നത് വരെ കാത്തുനിൽക്കാതെ രാഹുൽ മാങ്കൂട്ടത്തിൽ എത്രയും വേഗം എംഎൽഎ സ്ഥാനം രാജിവെക്കുന്നതാണ് ഉചിതം. പദവിയിൽ നിന്ന് എത്രയും വേഗം ഒഴിയുന്നുവോ അത്രയും നല്ലതെന്നും, ഇത് പാർട്ടിയുടെയും പൊതുസമൂഹത്തിന്റെയും അന്തസ്സ് ഉയർത്തിപ്പിടിക്കാൻ അത്യാവശ്യമാണെന്നും അദ്ദേഹം കൂട്ടിച്ചേർത്തു.
ഇന്നലെയാണ് മൂന്നാമത്തെ പീഡനക്കേസിൽ രാഹുലിന്റെ അറസ്റ്റ് രേഖപ്പെടുത്തിയത്. വിവാഹവാഗ്ദാനം നൽകി ഹോട്ടൽ മുറിയിൽ വെച്ച് പീഡിപ്പിച്ചെന്നും, യുവതി ഗർഭിണിയായെന്നുമാണ് പരാതിയിലുള്ളത്. ജനപ്രതിനിധി എന്ന നിലയിൽ ഇത്തരം ലൈംഗിക കുറ്റകൃത്യങ്ങളിൽ ഏർപ്പെടുന്നത് കേരള സമൂഹത്തിനും നിയമസഭയ്ക്കും വലിയ അപമാനമാണെന്ന് വിവിധ കോണുകളിൽ നിന്ന് വിമർശനമുയരുന്നുണ്ട്. രാഹുലിന്റെ രാജിയുമായി ബന്ധപ്പെട്ട കാര്യങ്ങളിൽ നിയമവശങ്ങൾ പരിശോധിച്ച ശേഷം ഉചിതമായ നടപടികളുണ്ടാകുമെന്നാണ് രാഷ്ട്രീയ കേന്ദ്രങ്ങൾ നൽകുന്ന സൂചന.
The post ‘രാഹുലിന് എംഎൽഎ പദവിയിൽ തുടരാൻ അർഹതയില്ല; എത്രയും വേഗം രാജിവെക്കണം’, വി.എം. സുധീരൻ appeared first on Express Kerala.
