തിരുവനന്തപുരം: കേന്ദ്ര ബജറ്റിൽ എയിംസ് സ്ഥാപിക്കുന്നത് ഉൾപ്പെടെയുള്ള കേരളത്തിനുള്ള വാഗ്ദാനങ്ങൾ കേന്ദ്രം നിറവേറ്റുമെന്ന് പ്രതീക്ഷിക്കുന്നതായി കോൺഗ്രസ് എംപി ശശി തരൂർ. കേരളത്തിലെ നിർദ്ദിഷ്ട ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിനെക്കുറിച്ച് ഇത്തവണത്തെ ബജറ്റിൽ ഉൾക്കൊള്ളിക്കുമെന്ന് കരുതുന്നു. കേരളത്തിന്റെ ഈ ആവശ്യം സാധ്യമാക്കുമെന്ന് ഏകദേശം 15 വർഷം മുമ്പ് കേന്ദ്രം വാഗ്ദാനം ചെയ്തിരുന്നതാണ്. എന്നാൽ ഇതുവരെ അത് യാഥാർത്ഥ്യമായിട്ടില്ലെന്ന് തരൂർ പറഞ്ഞു. രാജ്യം നേരിടുന്ന മറ്റൊരു ആശങ്ക തൊഴിലില്ലായ്മയാണെന്നും അത് പരിഹരിക്കാനുള്ള നടപടികളും ബജറ്റിൽ ഉൾപ്പെടുത്തേണ്ടതാണെന്നും അദ്ദേഹം […]
