പശ്ചിമേഷ്യൻ സംഘർഷം അതിരൂക്ഷമായി തുടരുന്നതിനിടെ, ഇറാൻ വിക്ഷേപിച്ച മിസൈലുകളെയും ഡ്രോണുകളെയും തകർത്തെറിഞ്ഞ് ബഹ്റൈൻ. തങ്ങളുടെ വ്യോമ പ്രതിരോധ സംവിധാനങ്ങൾ ഉപയോഗിച്ച് ഇറാന്റെ 143 മിസൈലുകളും 242 ഡ്രോണുകളും വിജയകരമായി തടഞ്ഞതായി ബഹ്റൈൻ സൈന്യം അറിയിച്ചു. മേഖലയിലെ സുരക്ഷാ സാഹചര്യങ്ങൾ കണക്കിലെടുത്ത് അതീവ ജാഗ്രത പാലിക്കണമെന്ന് സൈന്യം പൗരന്മാർക്ക് നിർദ്ദേശം നൽകി.
മിസൈലുകളോ ഡ്രോണുകളോ തകർന്നു വീണ സ്ഥലങ്ങളിലും സംശയാസ്പദമായ വസ്തുക്കൾ കാണപ്പെടുന്ന ഇടങ്ങളിലും പൊതുജനങ്ങൾ പ്രവേശിക്കരുത്. സൈനിക പ്രവർത്തനങ്ങളുടെ ദൃശ്യങ്ങളോ തകർന്നുവീണ അവശിഷ്ടങ്ങളോ ചിത്രീകരിക്കുന്നതും സോഷ്യൽ മീഡിയയിൽ പങ്കുവെക്കുന്നതും ഒഴിവാക്കണമെന്നും അധികൃതർ കർശനമായി നിർദ്ദേശിച്ചിട്ടുണ്ട്. നിലവിലെ സുരക്ഷാ വെല്ലുവിളികൾ അതീവ ഗൗരവത്തോടെയാണ് രാജ്യം കാണുന്നതെന്ന് അൽ ജസീറ റിപ്പോർട്ട് ചെയ്തു.
Also Read:അമ്മമാർക്ക് ആദരം; ദുബായിലെ ഔദ്യോഗിക രേഖകളിൽ വലിയ മാറ്റം, പുതിയ വിശേഷണം ഇങ്ങനെ!
യുദ്ധം അയൽരാജ്യങ്ങളിലേക്ക് കൂടി വ്യാപിക്കുന്നതിന്റെ സൂചനയായാണ് ബഹ്റൈനു നേരെ ഉണ്ടായ ഈ വലിയ ആക്രമണത്തെ അന്താരാഷ്ട്ര നിരീക്ഷകർ വിലയിരുത്തുന്നത്. വരും ദിവസങ്ങളിൽ പ്രതിരോധ നടപടികൾ കൂടുതൽ ശക്തമാക്കാനാണ് ബഹ്റൈന്റെ തീരുമാനം.
The post ബഹ്റൈന് നേരെ ഇറാന്റെ മിസൈൽ ആക്രമണം; ആകാശത്ത് വെച്ച് തകർത്ത് പ്രതിരോധ സേന appeared first on Express Kerala.
