ഖത്തറിൽ ചൊവ്വാഴ്ച മുതൽ രാജ്യത്തിന്റെ വിവിധ ഭാഗങ്ങളിൽ ഇടവിട്ടുള്ള മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. വരും ദിവസങ്ങളിൽ ആകാശം ഭാഗികമായോ പൂർണ്ണമായോ മേഘാവൃതമായിരിക്കുമെന്നും വാരാന്ത്യം വരെ ഈ സാഹചര്യം തുടരുമെന്നുമാണ് പ്രവചനം. തിങ്കളാഴ്ച മുതൽ രാജ്യത്ത് വടക്കുകിഴക്കൻ കാറ്റ് വീശാൻ സാധ്യതയുള്ളതായും അധികൃതർ സൂചിപ്പിച്ചു. മഴയ്ക്കൊപ്പം ശക്തമായ കാറ്റും അനുഭവപ്പെട്ടേക്കാം.
കടൽ പ്രക്ഷുബ്ധമാകാൻ സാധ്യതയുള്ളതിനാൽ കടൽ യാത്രികർക്കും വിനോദസഞ്ചാരികൾക്കും ജാഗ്രതാ നിർദ്ദേശം നൽകിയിട്ടുണ്ട്. ഏപ്രിൽ 20 തിങ്കളാഴ്ച മുതൽ സമുദ്ര മുന്നറിയിപ്പ് പ്രാബല്യത്തിൽ വന്നു. കടലിൽ തിരമാലകൾ സാധാരണയായി 4 മുതൽ 7 അടി വരെയും, ചില സമയങ്ങളിൽ 11 അടി വരെയും ഉയർന്നേക്കാം. സുരക്ഷാ മുൻകരുതലിന്റെ ഭാഗമായി കടലിൽ പോകുന്നവർ ജാഗ്രത പാലിക്കണമെന്ന് കാലാവസ്ഥാ വകുപ്പ് പ്രത്യേകം ഓർമ്മിപ്പിച്ചു.
The post ഖത്തറിൽ വാരാന്ത്യം വരെ മഴയ്ക്ക് സാധ്യത! കടൽ പ്രക്ഷുബ്ധമായേക്കുമെന്ന് മുന്നറിയിപ്പ് appeared first on Express Kerala.
