ചൂടുകാലത്ത് എയർ കണ്ടീഷൻ (AC) ഒരു ജീവിതാവശ്യമായി മാറിയിരിക്കുകയാണ്. പ്രത്യേകിച്ച് കേരളം പോലുള്ള ഈർപ്പവും ചൂടും കൂടിയ പ്രദേശങ്ങളിൽ,എയർ കണ്ടീഷൻ ഇല്ലാതെ മുന്നോട്ട് പോകാൻ കഴിയില്ല എന്ന സാഹചര്യത്തിലേക്കാണ് നമ്മൾ നീങ്ങുന്നത്. എന്നാൽ എയർ കണ്ടീഷൻ നൽകുന്ന ഈ ആശ്വാസത്തിന് പിന്നിൽ ശ്രദ്ധിക്കാതെ പോകുന്ന ഒരു ആരോഗ്യപ്രശ്നമുണ്ട്, (Air Conditioning Health Risks) ദീർഘകാലം ACയിൽ കഴിയുന്നത് ശരീരത്തിന്റെ പ്രതിരോധശേഷിയെ ബാധിക്കാം.
എങ്ങനെ ബാധിക്കുന്നു?
AC മുറി തണുപ്പിക്കുന്നതോടൊപ്പം വായുവിലെ ഈർപ്പം കുറയ്ക്കുന്നു. ഈ വരണ്ട വായു നമ്മുടെ മൂക്കും തൊണ്ടയും ഉൾപ്പെടുന്ന മ്യൂക്കസ് മെംബ്രെയ്ൻ (mucous membrane) എന്ന സംരക്ഷണ പാളിയെ ബാധിക്കുന്നു. സാധാരണയായി ഇത് വൈറസുകളും ബാക്ടീരിയകളും പിടിച്ചുനിർത്തി ശരീരത്തെ സംരക്ഷിക്കും. എന്നാൽ ഇത് വരണ്ടുപോയാൽ, രോഗാണുക്കൾക്ക് ശരീരത്തിലേക്ക് പ്രവേശിക്കുന്നത് (Air Conditioner Side Effects) എളുപ്പമാകും.
ഇതുകൊണ്ട് തന്നെ ACയിൽ കൂടുതൽ സമയം ചെലവഴിക്കുന്നവർക്ക്:
* തൊണ്ട വരണ്ടതായിരിക്കുക
* മൂക്കിൽ അസ്വസ്ഥത
* പതിവായി പനി, ചുമ
എന്നിവ കൂടുതലായി അനുഭവപ്പെടുന്നത്.
തണുത്ത വായുവും പ്രതിരോധശേഷിയും
പുതിയ പഠനങ്ങൾ സൂചിപ്പിക്കുന്നത്, സ്ഥിരമായി തണുത്ത വായുവിൽ കഴിയുന്നത് ശ്വാസകോശത്തിലെ പ്രതിരോധ പ്രവർത്തനങ്ങളെ ബാധിക്കാമെന്നതാണ്. ശരീരത്തിന്റെ ആദ്യ പ്രതിരോധമായി പ്രവർത്തിക്കുന്ന പ്രോട്ടീനുകളുടെ അളവ് കുറയാൻ ഇത് കാരണമാകാം.
ചൂടും തണുപ്പും തമ്മിലുള്ള വ്യത്യാസം
പുറത്തെ കടുത്ത ചൂടിൽ നിന്നും അകത്തെ തണുത്ത മുറിയിലേക്ക് ആവർത്തിച്ച് മാറുന്നത് ശരീരത്തിന് സമ്മർദ്ദം സൃഷ്ടിക്കും. ഇത് പിന്നീട്,
* രക്തചംക്രമണം ബാധിക്കാം
* ശ്വാസകോശത്തിന്റെ പ്രവർത്തങ്ങൾ കൂടുതൽ തടസ്സപ്പെടുത്താം
* രോഗങ്ങൾ പിടിപെടാനുള്ള സാധ്യത വർധിപ്പിക്കാം
ACയുടെ ശുചിത്വം
ശ്രദ്ധിക്കേണ്ട മറ്റൊരു പ്രധാന കാര്യം ACയുടെ പരിപാലനമാണ്. ഫിൽറ്ററുകൾ ശുചിയാക്കാത്ത പക്ഷം:
* പൊടി
* പൂപ്പൽ (mould)
* ബാക്ടീരിയ, ഫംഗസ്
എന്നിവ വായുവിലൂടെ പരക്കും. ഇത് അലർജി, ആസ്ത്മ, ശ്വാസകോശ പ്രശ്നങ്ങൾ എന്നിവയ്ക്ക് കാരണമാകാം.
ശ്രദ്ധിക്കേണ്ട ലക്ഷണങ്ങൾ
* സ്ഥിരമായ തൊണ്ട വരൾച്ച
* ഇടയ്ക്കിടെ തുമ്മൽ
* തലവേദന
* ക്ഷീണം
* ആവർത്തിച്ചുള്ള ജലദോഷം
ഇവയൊക്കെ നിങ്ങളുടെ AC ശരീരത്തെ ബാധിക്കുന്നതിന്റെ സൂചനയായിരിക്കും.
സുരക്ഷിതമായി AC ഉപയോഗിക്കാൻ
* താപനില അത്യധികം കുറയ്ക്കാതിരിക്കുക (24–26°C ൽ ഉപയോഗിക്കുക)
* മുറിയിൽ വായു പ്രവഹനം ഉറപ്പാക്കുക
* AC ഫിൽറ്ററുകൾ നിരന്തരം ശുചിയാക്കുക
* ആവശ്യമായ ഈർപ്പം നിലനിർത്തുക (humidifier ഉപയോഗിക്കാം)
* ഇടയ്ക്കിടെ AC ഒഴിവാക്കി സ്വാഭാവിക വായുവിൽ സമയം ചെലവഴിക്കുക
എസി ഉപയോഗവുമായി ബന്ധപ്പെട്ട് ഉണ്ടാകുന്ന ജലദോഷത്തിന്റെ സാധാരണ ലക്ഷണങ്ങൾ എന്തൊക്കെയാണ്?
എയർ കണ്ടീഷനിംഗുമായി ബന്ധപ്പെട്ട ജലദോഷത്തിന്റെ സാധാരണ ലക്ഷണങ്ങളിൽ തൊണ്ടവേദന, തുടർച്ചയായ ചുമ, മൂക്കിലെ അസ്വസ്ഥത എന്നിവ ഉൾപ്പെടുന്നു. ഈ ലക്ഷണങ്ങൾ പലപ്പോഴും വൈറൽ അണുബാധകളിൽ നിന്നല്ല, മറിച്ച് എയർ കണ്ടീഷനിംഗ് മൂലമുണ്ടാകുന്ന വരൾച്ചയും ഇൻഡോർ വായുവിന്റെ ഗുണനിലവാരത്തിലെ മാറ്റങ്ങളും കാരണമാണ് ഉണ്ടാകുന്നത്. ആളുകൾ ഈ ലക്ഷണങ്ങളെ യഥാർത്ഥ ജലദോഷമായി തെറ്റിദ്ധരിച്ചേക്കാം, പക്ഷേ അവ സാധാരണയായി വരണ്ടതും തണുത്തതുമായ വായുവിൽ ദീർഘനേരം തങ്ങുന്നതിന്റെ ഫലമാണ്.
AC ഉപയോഗം ഒഴിവാക്കേണ്ടതില്ല. എന്നാൽ സമതുലിതമായ ഉപയോഗമാണ് ആരോഗ്യത്തിന് നല്ലത്. ആശ്വാസത്തിനായി ഉപയോഗിക്കുന്ന ഈ ഉപകരണം, അറിയാതെ ശരീരത്തിന്റെ പ്രതിരോധശേഷി കുറയ്ക്കുന്ന ഘടകമാകാതിരിക്കാൻ ശ്രദ്ധ വേണം.
