ഐപിഎൽ 2026-ലെ റൺവേട്ടക്കാരുടെ പോരാട്ടം കനക്കുന്നു. ഇന്ന് നടന്ന മത്സരങ്ങൾക്ക് ശേഷം ഓറഞ്ച് ക്യാപ് പോരാട്ടത്തിൽ ഡൽഹി ക്യാപിറ്റൽസ് താരം കെ എൽ രാഹുലിനെ മറികടന്ന് ഹൈദരാബാദിന്റെ അഭിഷേക് ശർമ ഒന്നാം സ്ഥാനത്തെത്തി. 10 മത്സരങ്ങളിൽ നിന്ന് 440 റൺസാണ് അഭിഷേകിന്റെ സമ്പാദ്യം. 433 റൺസുമായി കെ എൽ രാഹുൽ തൊട്ടുപിന്നിലുണ്ട്.
ചെന്നൈ സൂപ്പർ കിംഗ്സിനായി കളിക്കുന്ന സഞ്ജു സാംസണ് ആദ്യ പത്തിൽ സ്ഥാനം നഷ്ടമായി. 9 മത്സരങ്ങളിൽ നിന്ന് 315 റൺസുള്ള സഞ്ജു ഇപ്പോൾ 12-ാം സ്ഥാനത്താണ്. ഗുജറാത്ത് ടൈറ്റൻസിനെതിരെ പഞ്ചാബിനായി കളിച്ച ശ്രേയസ് അയ്യരും കൊൽക്കത്തയ്ക്കെതിരെ ഹൈദരാബാദിനായി തിളങ്ങിയ ഇഷാൻ കിഷനും സഞ്ജുവിനെ പിന്നിലാക്കി ആദ്യ പത്തിൽ ഇടംനേടി. 354 റൺസുമായി ഇഷാൻ കിഷൻ ഏഴാം സ്ഥാനത്തും 313 റൺസുമായി ശ്രേയസ് അയ്യർ പത്താം സ്ഥാനത്തുമാണ്.
Also Read:ആ ആറ് ഇരകളിൽ ഒരാൾ ഞാൻ തന്നെയാണ്; ബ്രിജ് ഭൂഷണെതിരെ വെളിപ്പെടുത്തലുമായി വിനേഷ് ഫോഗട്ട്
ഗുജറാത്ത് നായകൻ ശുഭ്മാൻ ഗിൽ (373), പ്രഭ്സിമ്രാൻ സിംഗ് (350), സായ് സുദർശൻ (328), ട്രാവിസ് ഹെഡ് (323) എന്നിവരാണ് ആദ്യ പത്തിലുള്ള മറ്റ് താരങ്ങൾ. സഞ്ജുവിനെ മറികടന്ന് ട്രാവിസ് ഹെഡ് പത്താം സ്ഥാനത്തെത്തിയപ്പോൾ, സഞ്ജു 11-ാം സ്ഥാനത്തേക്ക് വീണിരുന്നുവെങ്കിലും ശ്രേയസ് അയ്യരുടെ പ്രകടനത്തോടെ അത് 12-ലേക്ക് മാറി.
The post ഓറഞ്ച് ക്യാപ് തിരിച്ചുപിടിച്ച് അഭിഷേക് ശർമ; സഞ്ജു ആദ്യ പത്തിന് പുറത്ത് appeared first on Express Kerala.
