ബഹ്‌റൈനിലെ ജീവകാരുണ്യ രംഗത്ത് സജീവമായി പ്രവർത്തിക്കുന്ന ഹോപ്പ് ബഹ്‌റൈൻ രക്തദാന ക്യാമ്പ് സംഘടിപ്പിക്കുന്നു. ഡിസംബർ 27 വെള്ളിയാഴ്ച്ച സൽമാനിയ ഹോസ്പിറ്റലിൽ വച്ചാണ് ക്യാമ്പ് സംഘടിപ്പിച്ചിരിക്കുന്നത്. രാവിലെ 7.30 മുതൽ 11.30 വരെ സൽമാനിയ ബ്ലഡ് ബാങ്കിൽ നേരിട്ടെത്തി രക്തദാനം നടത്താവുന്നതാണ്.
രക്തദാനത്തിന്റെ പ്രാധാന്യം ഉൾക്കൊണ്ട് എല്ലാവർഷവും ഹോപ്പ് ബ്ലഡ് ഡൊണേഷൻ ക്യാമ്പ് സംഘടിപ്പിക്കാറുണ്ട്. ഹോപ്പ് സംഘടിപ്പിക്കുന്ന ഒൻപതാമത് രക്തദാനക്യാമ്പാണ് നാളെ നടക്കുക. കൂടുതൽ വിവരങ്ങൾക്ക് 3777 5801 (ഗിരീഷ്), 3988 9317 (ജയേഷ്) എന്നീ നമ്പറുകളിൽ ബന്ധപ്പെടാവുന്നതാണ്.
