മനാമ: തൃശ്ശൂർ ചെമ്പുംചിറ മാന്തരപ്പിള്ളി സ്വദേശി അഭിമന്യു സന്ദീപ് (21) എന്ന യുവാവിനെയാണ് ജീവനൊടുക്കിയ നിലയിൽ ബഹ്റൈനിൽ ഉമ്മു അൽ ഹസത്തെ താമസസ്ഥലത്ത് കണ്ടെത്തിയത്. മിൽമ ഗ്രയിൻസിൽ രണ്ടുമാസമായി ജോലി ചെയ്യുകയായിരുന്ന അഭിമന്യു ബഹ്റൈനിൽ തന്നെയുള്ള തൻ്റെ പിതാവ് സന്ദീപിനെ വെള്ളിയാഴ്ച രാത്രി ബന്ധപ്പെട്ടിരുന്നു. തൊട്ടടുത്ത ദിവസം രാവിലെയോടെയാണ് അഭിമന്യുവിനെ മുറിയിൽ തൂങ്ങിമരിച്ച നിലയിൽ കാണ്ടെത്തിയത്.
പിന്നീട് പൊലീസെത്തി മൃതദേഹം തുടർ നടപടികൾക്കായി കൊണ്ടുപോയി.സന്ദീപ്- സ്വപ്ന ദമ്പതികളുടെ മകനായ അഭിമന്യുവിന് രണ്ട് സഹോദരൻമാരുമുണ്ട് .ബഹ്റൈൻ കേരള സോഷ്യൽ ഫോറത്തിന്റെ (ബി.കെ.എസ്.എഫ്) നേതൃത്വത്തിൽ മൃതദേഹം നാട്ടിൽ എത്തിക്കുന്നതിനുള്ള നടപടികൾ പുരോഗമിക്കുന്നു.
