മനാമ: ബഹ്റൈൻ പ്രതിഭയുടെ റിഫ മേഖല കമ്മിറ്റി, ടഗ് ഓഫ് വാർ അസോസിയേഷനുമായി ചേർന്നു കൊണ്ട്, വടംവലി മത്സരം സംഘടിപ്പിക്കുന്നു. ‘അരങ്ങ് 2K25’ എന്ന വിവിധ കലാകായിക മത്സര പരിപാടികളുടെ ഭാഗമായി നടത്തപ്പെടുന്ന പ്രസ്തുത മത്സരം, ഫെബ്രുവരി 21 വെള്ളിയാഴ്ച വൈകുന്നേരം 3 മണി മുതൽ സിൻജിലുള്ള അൽ അഹ്‌ലി സ്പോർട്സ് ക്ലബ് സ്റ്റേഡിയത്തിൽ ആണ് നടക്കുക.
ബഹ്റൈനിലെ കരുത്തരായ വടംവലി ടീമുകൾ മാറ്റുരക്കുന്ന ആവേശകരമായ മത്സരം കാണുന്നതിനും പ്രോത്സാഹിപ്പിക്കുന്നതിനുമായി മുഴുവൻ കായിക പ്രേമികളെയും അൽ അഹ്‌ലി സ്പോർട്സ് ക്ലബ് സ്റ്റേഡിയത്തിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
